محەمەد حاجی مەحمود: لە 50 ساڵی رابردوودا کەس نەیتوانیوە دەستگیرم بکات
وێستگەنیوز- ئارام عەلی
محەمەد
حاجی مەحمود سەرۆکی پارتی سۆسیالیست دیموکراتی کوردستان رایگەیاند، لە ماوەی 50 ساڵی رابردوودا هیچ کەسێک نەیتوانیوە رێگری لێبکات یان دەستگیری
بکات، دەشڵێت، کاراکردنەوەی پەرلەمان واجبێکی نیشتمانی و نەتەوەیی خەڵکی کوردستانە.
لە
چاوپێکەوتنێکدا لەگەڵ کەناڵی فەرمیی حزبەکەی، محەمەد حاجی مەحمود جەختی لەوە
کردەوە، کاراکردنەوەی پەرلەمان پێویستییەکی نەتەوەییە، سەبارەت بە دۆخ و مێژووی
خەباتیشی ئاماژەی بەوەدا، لە 50 ساڵی رابردوودا کەس نەیتوانیوە بێتە رێگەی و
دەستگیری بکات، بەڵکو دەبوو بڵێن جەنازەکەی بێنن نەک خۆی، رەخنەی لەو دادگایانەش
گرت کە بڕیاری دەستگیرکردنیان بۆ دەرکردووە و بە دادگای حزبی ناوی بردن.
سەبارەت
بە دۆخی حکومڕانی هەرێمی کوردستان رایگەیاند، پارتی و یەکێتی رێککەوتوون لەسەر
ئەوەی رێکنەکەون و کێشەکانی ئێستا شەخسی و زاتیین نەک سیاسی، هاوکات ئاماژەی بەوەدا،
ئێستا لە راستیدا دووئیدارەیی هەیە و ئەوان دژی پارچەکردنی کوردستانن، داواشی کرد
سەرۆکی هەرێم لەناو خەڵکەوە هەڵبژێردرێت نەک لە پەرلەمانەوە.
PM:11:20:11/11/2026
ئه‌م بابه‌ته 220
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت