شاندی دانوستانکاری هەرێم بۆ پرسی بودجەی 2027 گەیشتە بەغدا

وێستگەنیوز- نێچیرڤان کەمال

شاندی باڵای دانوستانکاری حکومەتی هەرێمی کوردستان بەمەبەستی گفتوگۆکردن لەسەر پشکی هەرێم و شایستەی دارایی مووچەخۆران لە پرۆژەیاسای بودجەی ساڵی 2027دا، گەیشتە بەغدا.

ئەمڕۆ یەکشەممە (8ی تشرینی دووەمی 2026)، فەرمانگەی میدیا و زانیاریی حکومەتی هەرێم بڵاویکردەوە: شاندەکەی هەرێم لەگەڵ لایەنە پەیوەندیدارەکانی حکومەتی فیدڕاڵ کۆدەبێتەوە.

ئامانجی سەردانەکە خستنەڕووی تێبینییەکانی هەولێرە لەسەر بڕگەکانی ڕەشنووسی پرۆژەیاسای بودجە.

لە کۆبوونەوەکاندا، شاندەکە کار دەکات بۆ جێگیرکردنی مافە دەستوورییەکانی خەڵکی هەرێمی کوردستان و مسۆگەرکردنی شایستە داراییەکانی مووچەخۆران لە بودجەی ساڵی داهاتووی عێراقدا.

PM:01:18:08/11/2026

ئه‌م بابه‌ته 144 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت