یەکێتی: ئەو هێزەی خەمی قەوارەی هەرێمی کوردستانیەتی بەشداریی کۆبوونەوەی پەرلەمان نەکات

وێستگەنیوز-

یەکێتیی نیشتمانیی کوردستان لە بەیاننامەیەکی فەرمیدا بەشداریی نەکردنی خۆی لە دانیشتنەکەی سبەی 4ـی 11ـی 2026ـی پەرلەمانی کوردستان راگەیاند و جەختی کردەوە، کۆبوونەوەکە نایاساییە، دوورە لە سازانی نیشتمانی و هەوڵێکە بۆ سەپاندنی ئیرادەی لایەنێک.

لەو بەیاننامەیەدا کە لەلایەن یەکێتیی نیشتمانیی کوردستانەوە دەرچووە، هاتووە، لەسەر بنەمای باوەڕی قوڵ بە سەروەریی یاسا و سازانی نیشتمانی، پێمانوایە کۆبوونەوەکەی سبەی پەرلەمان نایاساییە و داوا لە تەواوی هێزە نیشتمانییەکان دەکەین بەشداری تێدا نەکەن.

یەکێتی ئاماژەی بەوەش داوە، کاتێک دانیشتنی پەرلەمان سەنگی دەبێت کە سازانی نیشتمانیی لەسەر بێت و هەموو لایەنە هەڵبژێردراوەکان بە ئیرادەی ئازاد بەشداری تێدا بکەن، هەروەها هۆشداریی داوە، ئەگەر بڕیارەکان بە فشاری دەروونی و هەڕەشە لەسەر پەرلەمانتاران بسەپێنرێن، ئەوا لە چوارچێوەیەکی کارتۆنیدا دان بە هیچ پەرلەمان و حکومەتێک نانێن کە دەرئەنجامی ئەو جۆرە کۆبوونەوانە بێت.

PM:09:09:03/11/2026

ئه‌م بابه‌ته 184 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت