دەزگای ئاسایشی هەرێم هەڵمەتێکی نیشتمانی دژی ماددە هۆشبەرەکان و توندڕەوی لە هەڵەبجە رادەگەیەنێت
وێستگەنیوز-
دەزگای ئاسایشی
هەرێم رایگەیاند، سبەینێ شەممە مەراسیمێکی فەرمی لە پارێزگای هەڵەبجە بۆ راگەیاندنی
هەڵمەتێکی نیشتمانیی فراوان دژی ماددە هۆشبەرەکان و هزری توندڕەوی و بۆ بەهێزکردنی
کولتووری لێبوردەیی و پێکەوەژیان ئەنجام دەدات.
بەپێی ئاگاداریی
دەزگای ئاسایشی هەرێم کە ئاراستەی دەزگاکانی ڕاگەیاندن کراوە، مەراسیمەکە سبەینێ
شەممە لە کاتژمێر 9:00ـی بەیانی تا 12:30ـیپاش نیوەڕۆ، لە هۆڵی روانگە لە پارێزگای هەڵەبجە بەڕێوە دەچێت.
دەشڵێت، ئەم
هەڵمەتە نیشتمانییە ئامانج لێی بەرەنگاربوونەوەی مەترسییەکانی ماددە هۆشبەرەکان و
هزری توندڕەوییە، لەگەڵ پەرەپێدان و بەهێزکردنی کولتووری لێبوردەیی و پێکەوەژیانی
ئاشتییانە لە کۆمەڵگەدا، و لەو چوارچێوەیەشدا داوا لە کەناڵەکانی راگەیاندن کراوە
بۆ ڕووماڵکردنی چالاکییەکە ئامادەبن.
PM:10:16:16/10/2026
ئه‌م بابه‌ته 152
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت