غالب محەمەد وردەکاریی داربڕینەوەکانی دهۆک لەلایەن تورکیاوە بۆ وێستگەنیوز ئاشکرا دەکات
وێستگەنیوز – محەمەد فاتیح
غالب محەمەد عەلی، ئەندامی پەرلەمانی عێراق دەڵێت، بە بەڵگەی ڤیدیۆیی و پشکنینی تەکنیکی سەلماندوویانە کۆمپانیایەکی
ئەمنیی تورکی دارستانەکانی ناوچەی شاخاویی پارێزگای دهۆک بۆ خۆی دەبڕێتەوە و
دارەکانی دەکاتە تاخمی قەنەفە و دواتر لە هەولێر دەیانفرۆشێتەوە، هاوکات داوای لە
سەرۆک وەزیرانی عێراق کردووە لیژنەیەکی لێکۆڵینەوە لەسەر ئەم پرسە پێکبهێنێت.
غالب محەمەد تایبەت بە "وێستگەنیوز"ی راگەیاند،
لێدوانی لایەنە پەیوەندیدارەکان و پارێزگاری دهۆک کە دەڵێن بڕینەوەی دارەکان لە
دیوی تورکیایە دوورە لە راستییەوە، چونکە لە رێگەی تیمی ئای‌تی سەربەخۆوە وێنەی
ئاسمانیی ساڵانی رابردوو و ئێستای ناوچەکەیان بەراورد کردووە و رووبەرە
سەوزاییەکان بەهۆی داربڕینەوە بە تەواوی نەماون.
ئەو پەرلەمانتارە رەخنەشی لە هەڵوێستی حکومەتی
هەرێم و وەزیرانی دەرەوە و ژینگەی عێراق گرت بەهۆی بێدەنگییان و ئاماژەی بەوە کرد،
بە نووسراوی فەرمی داوای لە عەلی زەیدی، سەرۆک وەزیرانی عێراق کردووە لیژنەیەکی
مەیدانی رەوانەی ناوچەکە بکات تاوەکو لایەنە کەمتەرخەمەکان دیاری بکرێن و رێکاری
یاساییان بەرامبەر بگرێتەبەر.
PM:08:16:04/10/2026
ئه‌م بابه‌ته 372
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت