ئامارەکانی خوێندنی کوردی لە سنووری مادەی 140 ئاشکرادەکرێن

وێستگەنیوز-

ئەمڕۆ یەکشەممە 4ی تشرینی یەکەمی 2026، ساڵی نوێی خوێندن لە کەرکووک و سەرجەم پارێزگاکانی تری عێراق بە فەرمی دەستیپێکرد.

بەپێی زانیارییەکان، لە شاری کەرکووک خواست لەسەر خوێندنی کوردی بەرزبوونەوەی بەخۆیەوە بینیوە و ژمارەی ئەو قوتابیانەی لەمساڵدا روویان لە ناوەندەکانی خوێندنی کوردی کردووە گەیشتووەتە 104 هەزار قوتابی. لە بەرامبەریشدا بۆ پڕکردنەوەی پێداویستییەکانی خوێندن، 1 ملیۆن و 200 هەزار کتێب بۆ قوتابخانەکان دابینکراوە.

هاوکات لە سنووری ناوچەکانی مادەی 140 بە گشتی، نزیکەی 677 قوتابخانەی خوێندنی کوردی هەن و پرۆسەی پەروەردەیان تێدا بەڕێوەدەچێت؛ لەو چوارچێوەیەشدا لە قەزای خورماتوو 5000 قوتابی و لە قەزای شەنگاڵیش 15000 قوتابی دەچنە بەر خوێندنی کوردی.

AM:08:37:04/10/2026

ئه‌م بابه‌ته 132 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت