لە زاخۆ باوکێک بەبێ ئاگا کوڕە بچووکەکەی خۆی شێلا و گیانی لەدەستدا

وێستگەنیوز –

لە قەزای باتیفای سەر بە ئیدارەی زاخۆ، باوکێک لە کاتی هێنانەدەرەوەی ئۆتۆمبێلەکەی لە حەوشەی ماڵەکەیاندا، بەبێ ئاگا کوڕە بچووکەکەی خۆی دەشێلێت و بەهۆیەوە منداڵەکە گیانی لەدەستدا.

دوانیوەڕۆی ئەمڕۆ پێنجشەممە 27ـی ئابی 2026، لە قەزای باتیفای سەر بە ئیدارەی سەربەخۆی زاخۆ، ڕووداوێکی دڵتەزێن ڕوویدا و بەهۆیەوە منداڵێک بووە قوربانی.

بەگوێرەی زانیارییەکان، ڕووداوەکە ئەو کاتە بووە کە باوکێک ویستوویەتی ئۆتۆمبێلەکەی لە حەوشەی ماڵەکەی خۆیان بهێنێتە دەرەوە، بەڵام بێ ئاگا بووە لەوەی کوڕە بچووکەکەی لە پشت ئۆتۆمبێلەکەیە و شێلاویەتی.

لەو بارەیەوە، وتەبێژی تەندروستی زاخۆ ڕایگەیاند: کاتێک منداڵەکە گەیەندراوەتە فریاکەوتنی زاخۆ، پزیشکەکان هەوڵێکی زۆریان داوە ژیانی بۆ بگەڕێننەوە، بەڵام بەهۆی سەختی برینەکەیەوە گیانی لەدەستداوە.

PM:05:53:27/08/2026

ئه‌م بابه‌ته 184 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت