دژەتیرۆر چەکدارێکی داعشی لە سلێمانی دەستگیرکرد
وێستگەنیوز ـ
هێزەکانی بەڕێوەبەرایەتی گشتی دژەتیرۆر (CTG)، تیرۆرستێکی داواکراوی داعشیان لە پارێزگای سلێمانی دەستگیرکرد کە پێشتر لە ناو ڕێکخراوەکەدا وەک پاسەوان کاری کردووە و مووچەی وەرگرتووە.
بەپێی ڕاگەیەندراوێکی دژەتیرۆر، دوای بەدواداچوونێکی وردی هەواڵگری، توانرا تیرۆرست قوسەی محەمەد شوکر لە ئۆپەراسیۆنێکدا لە ناو شاری سلێمانی دەستگیربکرێت.
ناوبراو کە خەڵکی بەغدایە و لەدایکبووی ساڵی 1981ـە، لە ساڵی 2014ـەوە بەیعەتی بە ڕێکخراوی تیرۆرستی داعش داوە.
وردەکارییەکانی چالاکی ئەم تیرۆرستە لە ناو داعشدا بەم شێوەیە بووە:
سەرەتا بۆ ماوەی 7 بۆ 8 مانگ لە بەشی مزگەوت و بانگەوازدا کاری کردووە.
دواتر وەک چەکدار و پاسەوان لە ناو ڕێکخراوەکەدا جێگیر کراوە.
مانگانە بڕی 180,000 دیناری وەک (کەفالە) لە بەرامبەر کارەکانی وەرگرتووە.
دوای تێشکانی داعش لە ناوچەکە، ئەم تیرۆرستە بۆ شاردنەوەی ڕابردوو و ناسنامەکەی ڕووی لە هەرێمی کوردستان کردووە و لە سنووری پارێزگای سلێمانی نیشتەجێ بووە، بەڵام لەژێر چاودێری وردی هێزەکانی دژەتیرۆردا بووە و لە کۆتاییدا دەستگیرکرا و ڕادەستی یاسا کرا.
PM:09:37:15/08/2026
ئهم بابهته 260
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت