بڕیارێکی نوێ بۆ پاسەکانی سلێمانی

ویستگەنیوز-

بەڕێوبەرایەتی گواستنەوەی سلێمانی بڕیارێکی نوێی سەبارەت بە دابەشکردنی بەنزینی پاڵپشتیکراو بۆ پاسەکانی ناوشار دەرکرد و لەم هەفتەیەوە سیستەمەکە دەگۆڕێت.

ڕزگار عەبدوڵا، لێپرسراوی هێڵەکانی گواستنەوەی ناوشاری سلێمانی ڕایگەیاند: پرۆسەی دابەشکردنی بەنزینی 750 دیناری بۆ پاسەکانی هێڵەکانی ناوشاری سلێمانی لە بەنزینخانەی پێشەوا گۆڕانکاری بەسەردا دێت و پەیڕەوی سیستەمی "تاک و جووت" دەکرێت.

ڕۆژی هەینی 7ـی ئابی 2026،ـەوە جێبەجێ دەکرێت و تایبەت دەبێت بەو پاسانەی ژمارەی کۆتایی تابلۆکانیان (تاک)ە."

سەبارەت بە هەوڵەکانی تریش، لێپرسراوی هێڵەکانی گواستنەوە ئاماژەی بەوە کرد، کار دەکەن بۆ ئەوەی بەنزینخانەی تایبەت بۆ ئۆتۆمبێلە تەکسییەکان و ئەو پاسانەی بە "گاز" کار دەکەن دیاری بکرێت، تاوەکو ئەوانیش بە هەمان نرخی هەرزان سووتەمەنییان پێبدرێت.

لەبارەی نرخی گواستنەوەی هاوڵاتییان، ڕزگار عەبدوڵا دڵنیایی دایە هاوڵاتییان و وتی: سەرەڕای گرانبوونی نرخی سووتەمەنی، بەڵام کرێی پاس لە هێڵەکانی ناوشار وەک خۆیەتی و هیچ گرانکردنێک نییە، تەنها 2 هێڵی دەرەوەی شار نەبێت کە بە شێوەیەکی کاتی نرخەکانیان کەمێک زیاد کردووە.

PM:05:55:05/08/2026

ئه‌م بابه‌ته 328 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت