سەرۆکی هەرێمی کوردستان دێتە سلێمانی

وێستگەنیوز-

بڕیارە ئەمڕۆ یەک شەممە 21ی حوزەیرانی 2026، نێچیرڤان بارزانی، سەرۆکی هەرێمی کوردستان و فەرماندەی هێزەچەکدارەکانی هەرێمی کوردستان بێتە سلێمانی.

هۆکاری سەردانەکەش بەشداریکردنیەتی لەرێورەسمی بەخشینی پلەی ئەفسەری لە کۆلێژی سەربازی قەڵاچوالان.

بەپێی زانیارییەکان لەم رێورەسمەدا 210 خوێندکار دوای 9 مانگ لەمەشق و راهێنانی سەربازی پلەی ئەفسەریی ملازمیان پێدەبەخشرێت، دەرچوانی خولەکە هەموویان کوردن و هەڵگری بڕوانامەی بەکالۆریۆسن لە پسپۆڕییە جیاوازەکان

هەروەها ئەفسەرە نوێیەکان پێشتر لەهێزە ئەمنی و سەربازییەکانی کوردستان خزمەتیان کردووە کە 154 ئەفسەر بۆ پێشمەرگە و 56ـیان بۆ وەزارەتی ناوخۆدەبن.

AM:08:42:21/06/2026

ئه‌م بابه‌ته 136 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت