قایمقامییەتی سلێمانی: کێشەی غاز نەماوە و بەبێ فۆڕم دابەشدەکرێت
وێستگەنیوز-
لیژنە هاوبەشەکانی قایمقامییەتی سلێمانی دڵنیایی دەدەنە هاوڵاتییان کە کێشەی کەمی غازی ماڵان نەماوە و پێویست بە وەرگرتنی فۆڕم ناکات.
ئەمڕۆ یەکشەممە 31ی ئایاری 2026، عومەر عەبدوڵڵا، سەرۆکی لیژنەی غاز لە لیژنە هاوبەشەکانی قایمقامییەتی سلێمانی رایگەیاند، "بڕی پێویستی غازی ماڵان بەردەستە و هاوڵاتییان دەتوانن لە هەر شوێن و کاتێکدا بوتڵەکانیان پڕبکەنەوەو مەرجی وەرگرتنی کۆبۆنی خۆراکیش نەماوە".
ئاماژەی بەوەکرد، "نرخی هەر بوتڵێک 8 هەزار و 500 دینارە و لەکاتی وەرگرتنی پارەی زیاتر لەلایەن وەکیلەکانەوە، هاوڵاتییان دەتوانن لەڕێگەی ژمارەی سکاڵاوە 07708677777 سکاڵا بکەن و رێکاری یاسایی لەگەڵ سەرپێچیکاران دەگرینەبەر".
PM:01:13:31/05/2026
ئهم بابهته 8
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت