خشتەی دابەشکردنی موچەی مانگی ئایار بڵاوکرایەوە

وێستگەنیوز-

خشتەی دابەشکردنی موچەی فەرمانبەرانی بۆ مانگی ئایاری 2026 بڵاوکرایەوە کە بەپێی خشتەکە دابەشکردنی موچە سێ رۆژ دەخایەنێت.

بەپێی خشتەکە دابەشکردنی موچە لە ئەمڕۆ 26ی ئایاری 2026 دەستپێدەکات، بەم شێوەیە:

لە یەکەم رۆژی دابەشکردنی موچەدا، ئەم شوێنانە موچە وەردەگرن: (خانەنشینان، زیندانیانی سیاسی و بەرکەوتووانی کیمیاباران، کەسوکاری شەهیدان و ئەنفالکراوان، وەزارەتی خوێندنی باڵا و توێژینەوەی زانستی، وەزارەتی پەروەردە، وەزارەتی تەندروستی)

رۆژی چوارشەممە 27ی ئایار: لە دووەم رۆژی دابەشکردنی موچەدا، موچەی ئەم شوێنانە دابەش دەکرێت: (خاوەن پێداویستیی تایبەت، مافی مرۆڤ، دەستەی دەستپاکی، دەستەی وەبەرهێنان، دەستەی ژینگە، دەزگای مین، ناوچەکانی دەرەوەی هەرێم، کۆمسیۆنی باڵای هەڵبژاردن و دیوانی چاودێریی دارایی، وەزارەتی کاروباری شەهیدان و ئەنفالکراوان، ئاوەدانکردنەوە و نیشتەجێکردن، دارایی و ئابووری، ناوخۆ، داد، ئەنجوومەنی دادوەری، پلاندانان، بازرگانی و پیشەسازی، سامانە سرووشتییەکان، گواستنەوە و گەیاندن، کشتوکاڵ و سەرچاوەکانی ئاو، شارەوانی و گەشتوگوزار، کار و کاروباری کۆمەڵایەتی، رۆشنبیری و لاوان، کارەبا، وەزارەتی ئەوقاف و کاروباری ئایینی، هێزی زێرەڤانی و فەرماندەیی بەرگریی فریاکەوتن، سەرۆکایەتیی پەرلەمان، سەرۆکایەتیی ئەنجوومەنی وەزیران، سەرۆکایەتیی هەرێم)

رۆژی پێنجشەممە 28ی ئایار: لە دوایین رۆژی دابەشکردنی موچەدا، ئەم شوێنانە موچەکانیان وەردەگرن: (وەزارەتی پێشمەرگە "دیوان و لیواکان"، فەرماندەیی دەڤەری 1 و 2، بەڕێوەبەرایەتیی پۆلیسی دامودەزگا نەوتییەکان، ئەنجوومەنی ئاسایش و دەزگای ئاسایش).

PM:01:26:26/05/2026

ئه‌م بابه‌ته 1828 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت