سروه‌ عه‌بدولواحید: پێشوازی له‌ كۆده‌نگی هێزه‌كانی چوارچێوه‌ی هه‌ماهه‌نگی ده‌كه‌ین بۆ كاندیدكردنی عه‌لی ئه‌لزه‌یدی


وێستگه‌نیوز -
سروه‌ عه‌بدولواحید، سه‌رۆكی فراكسیۆنی نه‌وه‌ی نوێ له‌ په‌رله‌مانی‌ عێراق له‌ پلاتفۆڕمی‌ (X) نووسی:


*پێشوازی له‌ كۆده‌نگی هێزه‌كانی چوارچێوه‌ی هه‌ماهه‌نگی ده‌كه‌ین بۆ كاندیدكردنی عه‌لی ئه‌لزه‌یدی بۆ پۆستی سه‌رۆك وه‌زیران و راسپاردنی‌ بۆ پێكهێنانی حكومه‌ت. 

*ئه‌مه‌ به‌ هه‌نگاوێكی به‌رچاو ده‌زانین به‌ره‌و ته‌واوكردنی‌ شایسته‌ ده‌ستوورییه‌كان.

*جه‌خت له‌سه‌ر پێویستی چه‌سپاندنی هاوبه‌شی نیشتمانی و پابه‌ندبوون به‌ لێكتێگه‌یشتنه‌ سیاسییه‌كان بۆ به‌هێزكردنی سه‌قامگیری ده‌كه‌ینه‌وه‌.
 
*هاوكات جه‌خت له‌سه‌ر سه‌روه‌ری یاسا و بوونی‌ چه‌ك له‌ ده‌ستی‌ ده‌وڵه‌تدا ده‌كه‌ینه‌وه‌.

*داوای یه‌كخستنی‌ هه‌وڵه‌كان ده‌كه‌ین بۆ پشتیوانی له‌ حكومه‌تی داهاتوو به‌ گیانی به‌رپرسیارێتی نیشتمانی، به‌ شێوه‌یه‌ك كه‌ خزمه‌ت به‌ به‌رژه‌وه‌ندییه‌كانی خه‌ڵك بكات و ده‌وڵه‌ت به‌هێز بكات.





PM:11:17:27/04/2026


ئه‌م بابه‌ته 284 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت