جەمال کۆچەر: تاوەکو 6 مانگی دیکە عێراق و هەرێم دەتوانن بێ کێشە مووچە بدەن
وێستگەنیوز-
ئەندامێکی پەرلەمانی عێراقرایدەگەیەنێت کە شەڕە ناوچەییەکە کاریگەریی راستەوخۆ
و ناڕاستەوخۆی لەسەر هەشت سێکتەری گرنگی عێراق هەبووە. وتیشی؛ "تاوەکو 6 مانگی دیکە عێراق و هەرێم دەتوانن بێ کێشە مووچە بدەن".
د. جەمال کۆچەر، ئەندامی
پەرلەمانی عێراق، لە لێدوانێکدا وتی: سێکتەری بازرگانی و دەروازە سنوورییەکانیش لە
مەترسیدان و گرانبوونی کەلوپەل و داڕوخانی نرخی دینار کاریگەریی خراپیان هەیە. لە
هەمان کاتدا، بەهای پێداویستییەکان نزیکەی 30% بەرزبوونەتەوە کە دەبێتە هۆی زیادبوونی هەژاریی.
لەبارەی بودجە، ئاگاداری
دا کە حکومەتی عێراق لەگەڵ گوشاری دارایی ڕووبەڕوودەبێتەوە و ئەگەری کورتهێنان یان
ئاراستەبوون بۆ یاسای فریاگوزاری هەیە.
سەبارەت مووچە، کۆچەر دڵنیایی
دا کە تاوەکو 6 مانگی دیکە
عێراق و هەرێمی کوردستان دەتوانن بێ کێشە مووچە بدەن، بە مەرجی بەردەوامبوونی هەناردەی
نەوت و ناردنی داهاتی نانەوتی.
PM:10:54:14/04/2026
ئهم بابهته 272
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت