یهكێتی و رهوتی حیكمه تهواوكردنی رێكاره دهستوورییهكان دووپات دهكهنهوه
وێستگهنیوز-
سهرۆكی یهكێتیی نیشتمانیی كوردستان و سهرۆكی رهوتی حیكمه جهخت له دوورخستنهوهی وڵات له ململانێكان و تهواوكردنی رێكاره دهستوورییهكان دهكهنهوه.
ئهمڕۆ ههینی بافڵ تاڵهبانی، سهرۆكی یهكێتیی نیشتمانیی كوردستان و عهممار حهكیم، سهرۆكی رهوتی حیكمه له بهغداد كۆبوونهوه.
بهگوێرهی راگهیهندراوی نووسینگهی سهرۆكی یهكێتی، له كۆبوونهوهكهدا كه قوباد تاڵهبانی و دهرباز كۆسرهت رهسوڵ، ئهندامانی مهكتهبی سیاسی و خالید شوانی، وهزیری دادی عیراق ئامادهبوون، گفتوگۆ لهبارهی دوایین پێشهات و گۆڕانكارییه سیاسییهكانی عیراق و ناوچهكه كرا و جهخت له دوورخستنهوهی وڵات له ململانێكان كرایهوه.
دانیشتنی ئهنجوومهنی نوێنهران بۆ ههڵبژاردنی سهرۆك كۆمار تهوهرێكی دیكهی كۆبوونهوهكه بوو و دووپات له تهواوكردنی رێكاره دهستوورییهكان كرایهوه.
PM:11:00:10/04/2026
ئهم بابهته 432
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت