قوباد تاڵەبانی: هیوادارم ئەم ئاگربەستە بكرێتە دەرفەتێك بۆ ئاشتی و سەقامگیریی لە ناوچەكەدا
وێستگەنیوز-
جێگری سەرۆکی حکومەتی هەرێمی کوردستان سەبارەت بە
ئاگربەستەکەی ئەمریکا و ئیسرائیل لەگەڵ ئێران هیوا دەخوازێت "ئەم ئاگربەستەی
هاتووەتە ئاراوە، بكرێتە دەرفەتێك بۆ ئاشتی و سەقامگیرییەكی بەردەوام لە ناوچەكەدا".
قوباد تاڵەبانی ئەمڕۆ چوارشەممە ٨ی نیسانی ٢٠٢٦ لە میانەی سەردانەكەیدا
بۆ پارێزگای هەڵەبجە، لەگەڵ لیژنەی ئەمنیی پارێزگای هەڵەبجە كۆبووەوە و لە كۆبوونەوەكەدا
دەستخۆشی لە هێزە ئەمنییەكان كرد كە بە وردی چاودێری دۆخی ئەمنیی سنوورەكەیان
كردووە و توانیوویانە بە شێوەیەكی سەركەوتووانە سەروماڵی هاوڵاتییان بپارێزن.
سەبارەت بە شەڕ و ئاڵۆزییەكانی ناوچەكە و كاریگەرییەكانی لەسەر
عێراق و هەرێمی كوردستان، قوباد تاڵەبانی هیوای خواست ئەم ئاگربەستەی هاتووەتە
ئاراوە، بكرێتە دەرفەتێك بۆ ئاشتی و سەقامگیرییەكی بەردەوام لە ناوچەكەدا. جەختیشی
كردەوە لە هەموو حاڵەتێكدا هەرێمی كوردستان وەك هەمیشە بەشێك دەبێت لە پاراستنی
ئاشتی و سەقامگیری لە ناوچەكەدا.
PM:05:28:08/04/2026
ئهم بابهته 188
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت