پۆلیسی هەولێر: لە شەڕەکەی کەورگۆسک 6 کەس گیانیان لەدەستداوە
وێستگەنیوز-
بەڕێوەبەرایەتیی پۆلیسی هەولێر رایدەگەیەنێت لە شەڕەکەی ناحیەی کەورگۆسک 6 کەس گیانیان لەدەستداوە و سێی دیکەش بریندار بوون.
بەڕێوەبەرایەتیی پۆلیسی هەولێر بەرەبەیانیی ئەمڕۆ سێشەممە٣١ی ئاداری ٢٠٢٦ لە راگەیەندراوێکدا لەبارەی شەڕەکەی ناحیەی کەورگۆسک لە قەزای خەبات ئاماژە بەوە دەدات، "رووداوەکە لەنێوان بنەماڵەیەک بووە کە خاڵ و خوارزای یەکدین".
دەقی راگەیەنراوەکەی پۆلیسی هەولێر:
دوای ئەوەی ئەمشەو کاتژمێر(١٠:٥٠) خولەک لە ناحیەی کەورگۆسک سەر بە قەزای خەبات لەسەر کێشەیەکی کۆمەڵایەتی کۆن لەنێوان بنەماڵەیەک کە خاڵ و خوارزای یەکدین، شەڕە تەقە روودەدات، بەم هۆیەوە شەش هاووڵاتی لە هەر دوو لای شەڕەکە کوژران و سێی دیکەش بریندار دەبن، بۆیە تیمەکانمان لە پۆلیسی پارێزگای هەولێر دەستبەجێ دەگەنە شوێنی رووداو و بە بڕیاری بەڕێز دادوەری لێکۆڵینەوە رێکارە یاسایییەکان جێبەجێدەکرێت و یاسا سەروەر دەبێت.
AM:08:51:31/03/2026
ئهم بابهته 132
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت