دۆناڵد ترەمپ بە کوردی پیرۆزبایی جەژنی نەورۆز لە نێچیرڤان بارزانی دەکات
وێستگەنیوز-
سەرۆکی ئەمریکا بە نامەیەک
پیرۆزبایی جەژنی نەورۆز لە نێچیرڤان بارزانی، سەرۆکی هەرێمی کوردستان دەکات و بە
کوردی نووسیویەتی: "نەورۆز پیرۆز".
رۆژی شەممە، 28ـی 3ـی
2026، سەرۆکایەتی هەرێمی کوردستان رایگەیاند، دۆناڵد ترەمپ نامەیەکی پیرۆزبایی بۆ
نێچیرڤان بارزانی سەرۆکی هەرێمی کوردستان ناردووە.
بەپێی سەرۆکایەتی هەرێمی
کوردستان لە نامەکەی دۆناڵد ترەمپدا هاتووە، "نەورۆز، ئاهەنگگێڕانە بە هاتنی
بەهار، هەروەها بەرجەستەکردنی سەرکەوتنی هەمیشەییی رووناکییە بەسەر تاریکیدا. ئەم
جەژنە دێرینە، گوزارشتێکی ساڵانەی هێزی سەرەتا نوێیەکانە".
سەرۆکایەتی هەرێمی
کوردستان دەڵێت دۆناڵد ترەمپ بۆ نێچیرڤان بارزانی نووسیووە، "داوا لە خوا دەکەم
ئەم نەورۆزە ببێتە مایەی بەهێزکردنی بەهاکانی ئاشتی و شکۆی مرۆڤ و ساڵی نوێ پڕ لە
خێر و خۆشی بێت".
سەرۆکایەتی هەرێمی
کوردستان دەشڵێت، "سەرۆک ترەمپ پیرۆزبایی لە هەموو ئەوانەش دەکات کە جەژنی نەورۆز
دەگێڕن، هەروەها لە کۆتاییی نامەکەیدا بە کوردی نووسیویەتی: نەورۆز پیرۆز".
دەقی نامەکەی دۆناڵد
ترەمپ بۆ نێچیرڤان بارزانی:
بە بۆنەی جەژنی نەورۆزەوە،
بەڕێز نێچیرڤان بارزانی، سەرۆکی هەرێمی کوردستان، نامەیەکی پیرۆزبایی لە بەڕێز دۆناڵد
ترەمپ، سەرۆکی وڵاته یەکگرتووەکانی ئەمەریکاوە پێگەیشت.
لە نامەکەدا سەرۆک ترەمپ
وێڕای ئاراستەکردنی گەرمترین پیرۆزبایی بە سەرۆک نێچیرڤان بارزانی، دەنووسێت: نەورۆز،
ئاهەنگگێڕانە بە هاتنی بەهار، هەروەها بەرجەستەکردنی سەرکەوتنی هەمیشەییی رووناکییە
بەسەر تاریکیدا. ئەم جەژنە دێرینە، گوزارشتێکی ساڵانەی هێزی سەرەتا نوێیەکانە.
لە نامەکەیدا بۆ سەرۆک
نێچیرڤان بارزانی، سەرۆک ترەمپ هەروەها دەڵێت: داوا لە خوا دەکەم ئەم نەورۆزە ببێتە
مایەی بەهێزکردنی بەهاکانی ئاشتی و شکۆی مرۆڤ و ساڵی نوێ پڕ لە خێر و خۆشی بێت.
سەرۆک ترەمپ پیرۆزبایی
لە هەموو ئەوانەش دەکات کە جەژنی نەورۆز دەگێڕن، هەروەها لە کۆتایی نامەکەیدا بە
کوردی نووسیویەتی: نەورۆز پیرۆز.
PM:02:11:28/03/2026
ئهم بابهته 420
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت