پەیامی رۆژنامەنوسانی سلێمانی بە بۆنەی کۆچی دوایی رۆژنامەنوس مەبەست سەردار
وێستگەنیوز-
رۆژنامەنوسانی سلێمانی
بە بۆنەی کۆچی دوایی رۆژنامەنوس و وێنەگر و مۆنتێری وێستگەنیوز، مەبەست سەردار
پەیامێکی بڵاودەکاتەوە و دەنوسێت "کاکە مەبەست ، هەمیشە پڕ بو لە جوانی شیلەی
حەزی بۆ ژیان، بۆ یەکبینین، لە دڵو رۆحیا
بوو، هەمیشە بینینی شانەی لێومانی شیرین ئەکرد".
دەقی پەیامەکە:
کەس و کارو ئازیزانی
کاکە مەبەست سەردار میدیاکارانی خۆشەویست.
ماتەمگێڕان...
جێی داخە ئەوەی لەمسەرەتای وەرزی
بەهارەداکۆی کردووینەتەوە خەمێکی گەورەیە نەکلەدایک بونی شکۆفەی باڵای گوڵێک ، خەمی لەدەستدانی ڕۆژنامەوان و هاوپیشەیەکی
ئازیزمانە... ئازیزێک تاقسەی لەسەربکەین بۆنی موحیبەتی تەواو نابێت . ئەم لەدەستدانی ھاوڕێ و ھاوپیشەیەمان ئازارێکی بێ کۆتایە . بریا لەبری بۆنەیەکی ئاوا خەمگین ، بۆ پرۆژەیەکی
بواری ڕۆژنامەوانیی و پەرەپێدانی زیاتری ئازادی ڕادەربڕین کۆبونایەتەوە ..
باسکردنی ئەم هاوپیشە خۆشەویستەمان هاوتەریبە بە باسکردنی
مرۆڤێکی لێهاتوو و پڕ ئەزمون لە بوارەکەی
خۆیدا کەسایەتیەک کە ھەمیشە دەمبەخەندەو هێمن ولە سەرخۆو سەنگین، گەنجێک هەمیشە مەیلداربوو بۆ کاری پێکەوەیی ، نموونەی مرۆڤێکی دەگمەن کە دووبارەبوونەوەشی دەگمەنە.
کاکە مەبەست ، هەمیشە
پڕ بو لە جوانی شیلەی حەزی بۆ ژیان، بۆ یەکبینین،لە دڵو رۆحیا بوو، هەمیشە بینینی
شانەی لێومانی شیرین ئەکرد.
سەرباری سوێ
و ئازارەکەی، بەهیواین کۆستی لەم جۆرە هەمیشە وەکو دەرفەتێک بۆ کاری پێکەوەیی و تێپەڕاندنی
ئەو ئاستەنگ و تەگەرانەی دێنە بەردەمی ڕۆژنامەوان و مێدیاکاران لێی بڕوانین.
لێرەدا دەمەوێت بە ناوی سەرجەم ڕۆژنامەوان و مێدیاکارانی
سلێمانییەوە هاوخەمیی و بەشداریی و بەشکردنی باری گرانی ئەم کۆستە بە خانەوادە و کەسوکار
و ئازیزانی کۆچکردوو بگەیەنین ، بە هیوام ئەم ئامادەییەمان لێرەدا ئاماژەیەکی قووڵ
و ڕاستگۆیانە بێت بەوەی ئێمە لەگەڵتانین و لە ئاست ئەم ئازارە گەورەیەدا بە تەنیا
جێتان ناهێڵین.
دووبارە هاوخەمیی خۆمانتان بۆ دووپات دەکەینەوە، درود و
داوای ئارامی بۆ ڕۆحی هاوڕێ و هاوپیشەمان،لە یەزدانی مەزن دەخوازین، لەگەڵ سەبووریی و خۆڕاگریی بۆ ئێوە و هەموو ئەزیزانی
کۆچکردووی خۆشەویستمان.
دو اناخۆشییتان بێت و پەروەردگار هەموو لایەک بپارێزێت و
هەمیشە لەسەر خوانی دڵخۆشیی و ئاشتیی و کامەرانیی کۆمان بکاتەوە.
هاوڕێ گیان
هەمیشە پەروانەی یادگاریەکانت. بەسەر سەری خەیاڵمانەوەیەو لە یادت ناکەین
..
.........ڕۆژنامەنوسانی
سلێمانی
پەیامی رۆژنامەنوسانی
سلێمانی لە رێوڕەسمێکدا بە بەشداری ژمارەیەک لە رۆژنامەنوسان و بنەماڵەو خزم و
کەسوکار و هاوپیشەکانی رۆژنامەنوسی کۆچکردوو مەبەست سەردار، لەلایەن سیروان غەریب بەرپرسی دەزگای میدیایی
وێستگەنیوز پێشکەش کرا.
https://www.facebook.com/share/v/185jhqgmpJ/
PM:01:33:28/03/2026
ئهم بابهته 84
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت