نێچیرڤان بارزانی: پاراستنی زمانی دایک پاراستنی ناسنامە و داهاتووی کوردستانە

وێستگه‌نیوز –

سەرۆكی هەرێمی كوردستان بەبۆنەی رۆژی جیهانی زمانی دایكەوە پەیامێكی بڵاوكردەوە و رایگەیاند، پاراستنی زمانی دایک، پاراستنی ناسنامە و مێژووی دەوڵەمەند و داهاتووی کوردستانە.

لە پەیامەكەی نێچیرڤان بارزانی دا هاتووە، "لە ڕۆژی جیهانیی زمانی دایکدا، شانازی دەکەین کە هەرێمی کوردستان لانکەی فرەیی و پێکەوەژیانی پێکهاته‌ نه‌ته‌وه‌یی و ئایینی و زمان و کولتوورە جیاوازەکانە".

وتيشى، "پابەندیمان بە بره‌وپێدان و پێشخستنی زمانی دایک بۆ هەمووان دووپات دەکەینەوە؛ لە زمانی کوردییەوە تا زمانی پێکهاتە نەتەوەیییەکان (تورکمانی، سریانی و ئەرمەنی)".

سەرۆكی هەرێمی كوردستان دووپاتیشیكردەوە، "پاراستنی زمانی دایک، پاراستنی ناسنامە و مێژووی دەوڵەمەند و داهاتووی کوردستانە".

AM:10:29:21/02/2026

ئه‌م بابه‌ته 76 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت