ناوه‌ڕۆكی په‌یوه‌ندیی ته‌له‌فۆنیی بارزانی و تۆم باراك راگه‌یه‌ندرا


وێستگه‌نیوز – 

سه‌رۆكی‌ پارتی‌ دیموكراتی‌ كوردستان و نوێنه‌ری سه‌رۆكی ئه‌مریكا بۆ كاروباری سوریا جه‌ختیان كرده‌وه‌ كه‌ رێگه‌ له‌ پشێوی و ئاڵۆزی و شه‌ڕ بگیرێت و ئاشتی و سه‌قامگیری له‌ ناوچه‌كه‌ جێگیر ببێت.

باره‌گای‌ بارزانی‌ له‌ راگه‌یه‌ندراوێكدا ئاماژه‌ی‌ به‌وه‌دا كه‌:

*ئه‌مڕۆ یه‌كشه‌ممه‌ 8ی شوباتی 2026 په‌یوه‌ندییه‌كی ته‌له‌فۆنی له‌ نێوان مه‌سعود بارزانی و تۆم باراك نوێنه‌ری سه‌رۆك تره‌مپ بۆ كاروباری سووریا و باڵیۆزی ئه‌مریكا له‌ توركیا ئه‌نجام درا.

*له‌و په‌یوه‌ندییه‌ ته‌له‌فۆنیه‌دا بیروڕا له‌باره‌ی بارودۆخی سیاسیی ناوچه‌كه‌ به‌ گشتی و دوایین په‌ره‌سه‌ندن و گۆڕانكارییه‌كانی سووریا ئاڵوگۆڕ كرا.

* هه‌ردوولا هاوڕا بوون له‌ پێویستی به‌رده‌وامی گرتنه‌به‌ری هه‌موو هه‌نگاوێك بۆ ئه‌وه‌ی ڕێگه‌ له‌ پشێوی و ئاڵۆزی و شه‌ڕ بگیرێت و ئاشتی و سه‌قامگیری له‌ ناوچه‌كه‌ جێگیر ببێت.

*هه‌ردوولا ده‌ستخۆشیان له‌یه‌كتری كرد بۆ ئه‌و ڕۆڵه‌ كاریگه‌ره‌ی كه‌ له‌ به‌رقه‌راربوونی ئاشتی و سه‌قامگیری له‌ ناوچه‌كه‌دا گێڕاویانه‌. 

*بارزانی وێڕای ده‌ربڕینی پێزانین بۆ ڕۆڵی ئه‌مریكا، جه‌ختی له‌ به‌رده‌وامیی هاوپه‌یمانێتی نێوان گه‌لی كوردستان و ئه‌مه‌ریكا كرده‌وه‌.



PM:08:05:08/02/2026


ئه‌م بابه‌ته 268 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو