پارێزگای‌ هه‌ولێر سبه‌ینێشی‌ كرده‌ پشوو

‌

دوێنێ‌ دووشه‌ممه‌ پارێزگای هه‌ولێر له‌ راگه‌یه‌ندراوێكدا ئاماژه‌ی‌ به‌وه‌دا كه‌ "دوای كۆبوونه‌وه‌ی پارێزگاری هه‌ولێر له‌گه‌ڵ قائیمقامه‌كان و به‌ڕێوه‌به‌ری گشتی په‌روه‌رده‌ی هه‌ولێر، سه‌باره‌ت به‌و شه‌پۆله‌ به‌فر و باران بارین و سه‌رما و سۆڵه‌ی ڕووی له‌ ناوچه‌كه‌ كردووه‌، بڕیاردرا له‌ پێناو پاراستنی سه‌لامه‌تی ته‌ندروستی قوتابییان، سێشه‌ممه‌ 2026.1.20، ته‌نها له‌ ناوه‌نده‌كانی خوێندنی حكومی و ناحكومی سه‌ربه‌ به‌رێوه‌به‌رایه‌تی گشتیی په‌روه‌رده‌ی هه‌ولێر پشووبێت".

پێشتریش هه‌ڤاڵ ئه‌بوبه‌كر، پارێزگاری سلێمانی رایگه‌یاند، "وه‌ك پارێزگای سلێمانی، له‌سه‌ر بنه‌مای راپۆرتی وه‌زاره‌تی گواستنه‌وه‌و گه‌یاندنی حكومه‌تی هه‌رێمی كوردستان و دوای ڕاوێژكردن به‌ فه‌رمانگه‌ په‌یوه‌ندیداره‌كان و به‌ڕێوه‌به‌رێتیی گشتیی په‌روه‌رده‌ی پارێزگای سلێمانی و یه‌كه‌ كارگێڕییه‌كان، به‌هۆی دابه‌زینی زۆری پله‌كانی گه‌رما له‌ سنووری پارێزگای سلێمانی و، له‌ پێناوی پاراستنی سه‌لامه‌تیی و ته‌ندروستیی گشتییدا بڕیارماندا دوو رۆژ پشووی فه‌رمی له‌ هه‌موو خوێندنگه‌ و ناوه‌نده‌كانی خوێندنی حكومی و ناحكومی رابگه‌یه‌نین".

ئاماژه‌ی به‌وه‌كرد كه‌ "رۆژانی‌ سێشه‌ممه‌ 20ی كانونی دووه‌می 2026 و چوارشه‌ممه‌ 21ی كانونی دووه‌می 2026 پشووی فه‌رمی ده‌بێت له‌ ناوه‌نده‌كانی خوێندنی حكومی و ناحكومی".