ئەنجومەنی دانیشتووانی گەڕەکی شێخ مەقسود داوایەکی بەپەلە لە دانیشتووانی گەڕەکەکە دەکات
وێستگەنیوز-
ئەنجومەنی دانیشتووانی گەڕەکی شێخ مەقسودی شاری حەلەب، لە ڕاگەیەندراوێکی بەپەلەدا داوا لە سەرجەم دانیشتووانی گەڕەکەکە دەکات بێنە سەر شەقامەکان و روو بکەنە نەخۆشخانەی (خالید فەجر).
لەو بانگەوازەدا کە ئەمڕۆ شەممە 10ی کانونی دووەمی 2026، بڵاوکراوەتەوە، ئەنجومەنی گەڕەکی شێخ مەقسود داوای لە هەموو چین و توێژەکانی کۆمەڵگە کردووە بە شێوەیەکی جەماوەری چالاک بن و بەرەو نەخۆشخانەی (خالید فەجر) بەڕێ بکەون.
ئامانجی سەرەکی ئەم جوڵە جەماوەرییە، وەستانەوەیە لەگەڵ بریندارانی مەدەنی و بەهێزکردنی گیانی پێکەوەییە لە بەرانبەر ئەو دۆخە نائاساییەی کە رووبەڕووی گەڕەکەکە بووەتەوە.
ئەم نیشاندانی هاوسۆزییە لە کاتێکدایە کە نەخۆشخانەی (خالید فەجر) لە گەڕەکی شێخ مەقسود رووبەڕووی بۆردوومانێکی سەخت بووەتەوە و ژمارەیەکی زۆر لە هاوڵاتییانی مەدەنی کە لە نێویاندا ژن و منداڵ هەن، بەهۆی هێرشەکانەوە بریندار بوون و لەو ناوەندە تەندروستییە چارەسەر وەردەگرن.
PM:05:23:10/01/2026
ئهم بابهته 484
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت