کامێراکانی رێگەی پارێزگای هەڵەبجە و پێنجوێن دەکەونەکار

وێستگەنیوز-

بەڕێوەبەرایەتیی هاتووچۆی سلێمانی ئاشکرایکرد، کامێراکانی ڕێگای پارێزگای هەڵەبجە و پێنجوێن دەکەونەکار.

ئەمڕۆ دووشەممە 5ی کانونی دووەمی 2025، بەڕێوەبەرایەتیی هاتووچۆی سلێمانی رایگەیاند، "بە مەبەستی کەمکردنەوە و رێکخستنی خێرایی ئۆتۆمبێلەکان و پاراستنی گیانی هاوڵاتییان لە رووداوەکانی هاتووچۆ، ژمارەیەک کامێرای چاودێری نوێی خاڵ بۆ خاڵ دەکەونە کار".

ئاماژە بەوەکراوە، "کامێراکانی تۆمارکردنی تیژڕەوی لە سەرڕێگاکانی عەربەت – سەیدسادق – پارێزگای هەڵەبجە هەروەها رێگەیی پێنجوێن لە ڕۆژی پێنجشەممە ڕێکەوتی 8ی کانونی دووەمی 2026، کاتژمێر 12:00ی نیوەڕۆ دەکەونە کار".

ئەوەشخراوەتەڕوو، "بەهەردوو سایدی هاتن و رۆشتن کامێراکان بەشێوەی خاڵ بۆ خاڵ دیاریکراوە و سەرجەم ئەو سنوورانە لە قەراغی رێگاکانیدا هێمای دیاریکردنی خێراییان بۆ دانراوە، داواکارین لە شۆفێران پابەندی خێراییە دیاریکراوەکان بن تا بەدووربن لە هەر رووداوێکی نەخوازراو و لەهەمان کاتدا تا بەدووربن لە هەر سزایەکی هاتووچۆیی".

PM:03:46:05/01/2026

ئه‌م بابه‌ته 244 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت