وەزارەتی سەرچاوە ئاوییەکان: بارانبارین لە هەندێک ناوچەدا 120 ملم-ی تێپەڕاندووە
وێستگهنیوز-
وەزارەتی سەرچاوە ئاوییەکانی عێراق رایدەگەیەنێت، شەپۆلی ئێستای باران و لافاو دەرفەتێکە بۆ بەرزکردنەوەی یەدەگی ئاو دوای چەندین ساڵ لە وشکەساڵی.
وەزارەتی سەرچاوە ئاوییەکانی عێراق لە راگەیەندراوێكدا كهوێنهیهكی دراوه بهوێستگهنیوز بڵاویكردەوە، لەئێستادا عێراق شەپۆلێکی بارانبارینی بەخوڕ و لافاو بەخۆیەوە دەبینێت، ئەمەش دەرفەتێکی گرنگ دەڕەخسێنێت بۆ بەرزکردنەوەی سەرچاوە ئاوییەکان دوای دابەزینیان لە وەرزەکانی پێشوودا.
روونیشیكردەوە، بارانبارین لە هەندێک ناوچەدا 120 ملم-ی تێپەڕاندووە و بووەتە هۆی دروستبوونی لافاو بەتایبەتی لە ناوچەکانی باکور و باکووری رۆژهەڵاتی عێراق.
بەگوێرەی ڕاگەیەندراوەکە، ئەم بارانبارینە دەرفەتێکە بۆ گەڕاندنەوەی هاوسەنگی بۆ سەرچاوە ئاوییەکان و دەستەبەرکردنی پێداویستییەکانی ئاودێری بۆ ناوچە کشتوکاڵییەکان لە سەرجەم پارێزگاکان و بەتایبەت پارێزگاکانی ناوەڕاست و باشوور.
دووپاتیشیكردەوە، ئەم شەپۆلی بارانبارین و لافاوە دەبێتە هۆی تەواوکردنی یەکەم ئاودێری بۆ وەرزی زستانی ئێستا و پاڵپشتی بەرهەمی کشتوکاڵی دەکات و کاریگەرییەکانی کەمی ئاو کەمدەکاتەوە
AM:09:44:10/12/2025
ئهم بابهته 164
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت