پارتی و یەکێتی لەبارەی پرسی پێکهێنانی کابینەی دەیەم دەست بە گفتوگۆکانیان دەکەنەوە

وێستگەنیوز-

کۆبوونەوەکانی پارتی دیموکراتی کوردستان و یەکێتیی نیشتمانیی کوردستان بۆ پێکهێنانی حکومەتی نوێی هەرێمی کوردستان دەستپێدەکاتەوە.

ئەمڕۆ دووشەممە 8ی کانونی یەکەمی 2025، میدیای یەکێتی بڵاویکردەوە، بڕیارە لە ناوەڕاستی هەفتەی داهاتوودا شاندی دانوستانکاری پارتی دیموکراتی کوردستان و یەکێتیی نیشتمانیی کوردستان کۆببنەوە و دەست بە گفتوگۆکانی تایبەت بە پێکهێنانی کابینەی دەیەم بکەنەوە.

ئاماژە بەوەکراوە، لە کۆبوونەوەکانى ڕابردوودا هەردوو لایەن پێکەوە رەشنووسێکی دیدگای هاوبەشیان بۆ شێوازی حکومڕانی داڕشتووە و رێککەوتنی لەسەر کراوە کە ئەم رەشنووسە دەبێتە بەشێک لە کارنامە و بەرنامەی کاری کابینەی داهاتووی حکومەتی هەرێمی کوردستان و هەنگاوەکانی داهاتوو لەسەر ئەو بنەمایە دەبێت.

PM:12:25:08/12/2025

ئه‌م بابه‌ته 220 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت