پارتی و یەکێتی لەسەر ئاستی باڵا کۆدەبنەوە
وێستگەنیوز-
ئەندامێکی کۆمیتەی ناوەندیی پارتی ڕایدەگەیەنێت، سبەی دووشەممە پارتی دیموکراتی کوردستان و یەکێتی نیشتمانیی کوردستان لەسەر ئاستی باڵا کۆدەبنەوە.
هیوا گەیلانی، ئەندامی کۆمیتەی ناوەندیی پارتی دیموکراتی کوردستان بە بە کوردستان24ی راگەیاندووە، "سبەی دووشەممە 1ی کانوونی یەکەمی 2025، پارتی دیموکراتی کوردستان و یەکێتی نیشتمانی کوردستان لەسەر ئاستی باڵا کۆدەبنەوە، هەروەها لە رۆژانی داهاتووشدا پارتی سەردانی لایەنە سیاسییەکانی دیکە دەکات".
لەبارەی کۆبوونەوەیان لەگەڵ یەکێتی هیوا گەیلانی وتی، "هەموو هەوڵێک دەدەن بۆ ئەوەی کابینەی نوێی حکومەتی هەرێمی کوردستان پێکبهێنرێت، چونکە لە رابردووشدا نەرمیان نواندووە بەڵام یەکێتی نەهاتووەتەوە پێشەوە".
وتیشی، "پارتی مەبەستیەتی دوو پەیام بەلایەنەکان بگەیەنێت، یەکەم رێکخستنەوەی پەرتەوازەیی نێوماڵی کورد، دووەم، لەگەڵ لایەنە براوەکان یەک پاکێج و گوتاریان هەبێت لە حکومەتی داهاتووی عێراق".
دوایین کۆبوونەوە لە رۆژی سێشەممە 30ی ئەیلولی 2025، لەنێوان هەردوو شاندی باڵای پارتی دیموکراتی کوردستان و یەکێتیی نیشتمانیی کوردستان بە ئامادەبوونی مەسعود بارزانی و بافڵ تاڵەبانی لە پیرمام بەڕێوەچوو.
PM:04:12:30/11/2025
ئه‌م بابه‌ته 976
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت