وەزارەتی کارەبای هەرێم: کارەبای 24 کاتژمێری ئاسایی بووەوە
وێستگەنیوز-
بەڕێوەبەری گشتیی دیوانی وەزارەتی کارەبای حکومەتی هەرێمی کوردستان ئاشکرایکرد، پێدانی کارەبای 24 کاتژمێری ئاسایی بووەتەوە.
ئەمڕۆ یەکشەممە 30ی تشرینی دووەمی 2025، ئەردەلان دۆسکی، بەڕێوەبەری گشتیی دیوانی وەزارەتی کارەبای حکومەتی هەرێمی کوردستان رایگەیاند، "گاز گەیشتووەتە وێستگەکانی کارەبا و ئێستا 3100 مێگاوات کارەبا لەبەردەستە، تاوەکو درەنگانی شەو رێژەکە بەرز دەبێتەوە بۆ 4200 مێگاوات، بەمەش تەواوی دۆخی کارەبا لە هەرێمی کوردستان ئاسایی دەبێتەوە".
ئاماژەی بەوەشکرد، "ئەو گەڕەکانەی ئێستا لە هەر چوار پارێزگاکەی هەرێمی کوردستان لەنێو پڕۆژەی رووناکیدان، کارەبای 24 کاتژمێرییان بۆ گەڕاوەتەوە".
باسی لەوەشکرد، "لەگەڵ زیادبوونی بەرهەمهێنانی گاز، تاوەکو درەنگانی شەو دۆخی کارەبا بە تەواوی ئاسایی دەبێتەوە".
PM:03:08:30/11/2025
ئه‌م بابه‌ته 76
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت