هاتووچۆی سلێمانی: کامێرای چاودێریكردنی خێرایی لە یەکتربڕی ئارام دادەنرێت

وێستگەنیوز-

لێپرسراوی به‌شی كامێراكان له‌ هاتووچۆی سلێمانی رایدەگەیەنێت، کامێرای چاودێریكردنی خێراییمان لە یەکتربڕی ئارام داناوە لە هەردوو سایدی هاتن و رۆشتن.

ئەمڕۆ یەکشەممە 30ی تشرینی دووەمی 2025ی، عەقید شیعریه‌ عه‌لی، لێپرسراوی به‌شی كامێراكان له‌ هاتوچۆی سلێمانی به‌ Traffic FM راگه‌یاند، "له‌پێناو كۆنتڕۆڵكردنی خێرایی‌و كه‌مكردنه‌وه‌ی رووداوه‌كان له‌ یه‌كتربڕی ئارام له‌ شه‌قامی بازنه‌یی مه‌لیك مه‌حمود كامێرایه‌كی چاودێریكردنی خێراییمان له‌ به‌شی خواره‌وه‌ی یه‌كتربڕه‌كه‌ داناوه‌ كه‌ هه‌ردوو سایدی هاتن‌ و رۆشتن كۆنتڕۆڵ ده‌كات".

ئاماژەی بەوەکرد، "له‌دوای ته‌واوبونی كاره‌كانی دانانی ئه‌و كامێرایه‌ بۆ ماوه‌ی دوو هه‌فته‌ تێست ده‌بێت‌و دواتر به‌شێوه‌یه‌كی هه‌میشه‌یی كارده‌كه‌ن، له‌گه‌ڵ كاركردنیشی شۆفێرانی لێئاگادارده‌كرێته‌وه‌".

ئەوەشی خستەڕوو، "له‌پلانماندایە كامێرایی چاودێریكردنی خێرایی له‌ شه‌قامی هه‌واری شار‌ و به‌رده‌م نه‌خۆشخانه‌ی شاریش دابنرێت، بۆ كۆنتڕۆڵکردنی خێرایی شۆفێران‌ و رووداوەکانی هاتووچۆ".

AM:10:20:30/11/2025

ئه‌م بابه‌ته 68 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت