لە هەولێر پڵنگێک پەلاماری منداڵێک دەدات و برینداری دەکات

وێستگەنیوز- شاهین فواد

منداڵێکی تەمەن 9 ساڵان لە یەکێک لە باخچەکانی ئاژەڵانی سنووری پارێزگای هەولێر پڵنگ پەلاماری دەدات و برینداری دەکات.

راگەیاندنی نەخۆشخانەی رزگاری فێرکاری بڵاویکردەوە، لە بەشی فریاکەوتنی نەخۆشخانەی رزگاری منداڵێکی تەمەن 9 ساڵان بەناوی (هـ . ک . أ) ژیانی لە مردن ڕزگار کرا و دەستی لە بڕینەوە نەجاتی بوو بە هەوڵ و ماندووبوونی پزیشک و کارمەندانی بەشی فریاکەوتن و نەشتەرگەری فریاکەوتن، کەوا لە یەکێک لە باخچەکانی ئاژەڵانی سنووری پارێزگای هەولێر پڵنگ پەلاماری دابوو".

بەپێی زانیارییەکانی پەیامنێری وێستگەنیوز بێت، رووداوەکە دوێنێ سێشەممە روویداوە و ئەو منداڵە لەگەڵ چەند منداڵێکی دیکە چوونەتە ئەو باخچەیە و منداڵەکە زۆر نزیک بووەتەوە لە پڵنگەکە و بەوهۆیەشەوە رووداوەکە روویداوە و پڵنگەکە پەلاماری منداڵەکەی داوە.

نەخۆشخانەی رزگاری فێرکاری دەڵێت، "نەخۆشەکە لە نەخۆشخانە دەرچووە و چووەتەوە ماڵەوە".

PM:02:38:26/11/2025

ئه‌م بابه‌ته 328 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت