قوباد تاڵەبانی: پێویستە هەردوو حکومەتی داهاتووی عێراق و هەرێم چارەسەری کێشەی بودجە و مووچە بکەن
وێستگەنیوز-
ئەمڕۆ دووشەممە 10ی تشرینی دووەمی 2025، قوباد تاڵەبانی، جێگری سەرۆک وەزیرانی هەرێم پێشوازیکرد لە محەمەد ئەلحەسان، نوێنه‌رى تايبه‌تى سكرتێرى گشتیی نەتەوەیەكگرتووەكان له عێراق و لە کۆبوونەوەی نێوانیاندا بەڕێوەچوونی هەڵبژاردنەکانی عێراق و چەند پرسێکی دیکە تاوتوێ کران.
بەپێی راگەیەندراوی کۆبوونەوەکە بێت، هەردوولا هیوایان خواست رۆژی سێشەممە هەڵبژاردنەکانی ئەنجومەنی نوێنەرانی عێراق لە دۆخێکی ئارام و بە شێوەیەکی رێکوپێک بەڕێوەبچێت و هاوڵاتییانی عێراق و هەرێمی کوردستان بە رێژەیەکی بەرچاو بەشداری بکەن و چارەنووسی چوار ساڵی داهاتووی پرۆسەی سیاسی عێراق دیاری بکەن.
قوباد تاڵەبانی ئاماژەی بە گرنگیی ئەم هەڵبژاردنە کرد بۆ پەیوەندییەکانی چوار ساڵی داهاتووی عێراق و هەرێمی کوردستان و رایگەیاند، هاوڵاتییانی هەرێمی کوردستان دەیانەوێت کێشەکانی نێوان هەرێم و بەغدا لەسەر بنەمای دەستوور بە شێوەیەکی بنەڕەتی چارەسەر بکرێت" هەروەها لەم چوارچێوەیەدا قوباد تاڵەبانی، بەپێویستی زانی ئەولەوییەتی هەردوو حکومەتی داهاتووی عێراق و هەرێم چارەسەرکردنی کێشەکان و بە تایبەتیش کێشەی بودجە و موچە بێت".
PM:05:13:10/11/2025
ئه‌م بابه‌ته 100
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت