به‌ره‌ی گه‌ل: بزوتنه‌وه‌ی گۆڕان بووه‌ته قوربانی هه‌لپه‌رست و خیانه‌تكاران
وێستگه‌نیوز -
به‌ره‌ی گه‌ل رایده‌گه‌یه‌نێت كه بزووتنه‌وه‌ی گۆڕان بووه‌ته قوربانی خیانه‌تكاران و ده‌شڵێت: "ئه‌مڕۆ ئێمه‌ش له‌به‌رده‌م خیانه‌تی هه‌لپه‌رسته‌كان وه‌ستاوین و هیوادارین ده‌نگ و ده‌ستی هاوسۆزانی گۆڕان پشتیوانیمان لێبكه‌ن".
ئه‌مڕۆ یه‌كشه‌ممه به‌ره‌ی گه‌ل راگه‌یه‌ندراوێكی بڵاوكرده‌وه و تیایدا هاتووه كه "ئه‌مڕۆ له‌به‌رده‌م دۆخێكی ناخۆشدا وه‌ستاوین. خیانه‌ت بووه‌ته به‌شێك له سیمایی سیاسی زۆربه‌ی حیزب و بزووتنه‌وه سیاسیه‌كانمان. ئه‌و دیارده ناشیرینه خه‌ریكه ده‌بێته باو ، و گه‌لێكی ئازا له ژێر كێشه‌ی ئه‌و خیانه‌تانه ده‌ناڵێنێت".
به‌ره‌ی گه‌ل ده‌ڵێت: "بزووتنه‌وه‌ی گۆڕان، كه وه‌ك هێزێكی ئۆپۆزسیۆنی كاریگه‌ر له به‌سه‌ركردایه‌تی كاك نه‌وشیروان له‌دایكبوو، له‌دوای وه‌فاتی، بووه قوربانی خه‌ڵكانی هه‌لپه‌رست و خیانه‌تكار . به سه‌دان هه‌زار ده‌نگ و خه‌ونی خه‌ڵكێكی نارازی كه هیوایان به گۆڕانكاری به‌ستبوو، له پێناو پۆست و پاره‌دا له بار برا. بێهوایه‌ك بۆ خه‌ڵكی كوردستان دروستكرا كه تاڵی و ئازاری له دڵی هه‌موومان چاندووه".
له راگه‌یه‌ندراوه‌كه‌دا هاتووه كه "ئه‌مڕۆ، ئێمه‌ش له‌به‌ره‌ی گه‌ل و له‌به‌رده‌م خیانه‌تی هه‌لپه‌رسته‌كان وه‌ستاوین. ئێمه باوه‌ڕمان به ده‌نگ و ده‌ستی خه‌ڵك هه‌یه، ئه‌و خه‌ڵكه‌ی كه سه‌ره‌ڕای هه‌موو ئازار و مه‌ینه‌تێك، هێشتا هیوای گۆڕانكاری له دڵیدایه. هیوادارین ده‌نگ و ده‌ستی هاوسۆزانی گۆڕان پشتیوانیمان لێبكه‌ن. پشتیوانی له‌سه‌ر خۆراگری و خۆنه‌فرۆشتن بكه‌ن، پشتیوانی له‌و پره‌نسیپانه بكه‌ن كه گۆڕان له سه‌ره‌تادا له‌سه‌ری دامه‌زرا".
ئه‌مه‌ش ده‌قی راگه‌یه‌ندراوه‌كه‌یه:
په‌یامێك بۆ گۆڕانخوازان
هاوڵاتیانی ئازیزی كوردستان،
ده‌نگده‌رانی بزووتنه‌وه‌ی گۆران
ئه‌مڕۆ له‌به‌رده‌م دۆخێكی ناخۆشدا وه‌ستاوین. خیانه‌ت بووه‌ته به‌شێك له سیمایی سیاسی زۆربه‌ی حیزب و بزووتنه‌وه سیاسیه‌كانمان. ئه‌و دیارده ناشیرینه خه‌ریكه ده‌بێته باو ، و گه‌لێكی ئازا له ژێر كێشه‌ی ئه‌و خیانه‌تانه ده‌ناڵێنێت.
بزووتنه‌وه‌ی گۆڕان، كه وه‌ك هێزێكی ئۆپۆزسیۆنی كاریگه‌ر له به‌سه‌ركردایه‌تی كاك نه‌وشیروان له‌دایكبوو، له‌دوایی وه‌فاتی ، بووه قوربانی خه‌ڵكانی هه‌ڵپه‌رست و خیانه‌تكار . به سه‌دان هه‌زار ده‌نگ و خه‌ونی خه‌ڵكێكی نارازی كه هیوایان به گۆڕانكاری به‌ستبوو، له پێناو پۆست و پاره‌دا له بار برا. بێهوایه‌ك بۆ خه‌ڵكی كوردستان دروستكرا كه تاڵی و ئازاری له دڵی هه‌موومان چاندووه.
ئه‌مڕۆ، ئێمه‌ش له‌به‌ره‌ی گه‌ل و له‌به‌رده‌م خیانه‌تی هه‌ڵپه‌رسته‌كان وه‌ستاوین. ئێمه باوه‌ڕمان به ده‌نگ و ده‌ستی خه‌ڵك هه‌یه، ئه‌و خه‌ڵكه‌ی كه سه‌ره‌ڕای هه‌موو ئازار و مه‌ینه‌تێك، هێشتا هیوای گۆڕانكاری له دڵیدایه.
هیوادارین ده‌نگ و ده‌ستی هاوسۆزانی گۆڕان پشتیوانیمان لێبكه‌ن. پشتیوانی له‌سه‌ر خۆراگری و خۆنه‌فرۆشتن بكه‌ن، پشتیوانی له‌و پره‌نسیپانه بكه‌ن كه گۆڕان له سه‌ره‌تادا له‌سه‌ری دامه‌زرا:
• خوراگری به‌رامبه‌ر پۆست و پاره
• دادپه‌روه‌ری بۆ هه‌موو هاوڵاتیان
• خزمه‌تكردنی گه‌ل نه‌ك خزمه‌تكردنی به‌رژه‌وه‌ندی تاكه‌كه‌سی
• به‌رگری له مافی خه‌ڵك به‌بێ ترس و دوودڵی
ئه‌ی خه‌ڵكی كوردستان، مه‌هێڵن خیانه‌ت سه‌ركه‌وتوو بێت. مه‌هێڵن هه‌ڵپه‌رستان خه‌ون و ئامانجه‌كانمان بفرۆشن. با یه‌كگرتوو بین له ده‌وری ئه‌و كه‌سانه‌ی كه به ڕاستی خزمه‌تی گه‌لیان ده‌كه‌ن، ئه‌گه‌ر ئه‌مڕۆ بێده‌نگ بین، سبه‌ینێ كه‌س نامێنێت بۆ به‌رگری له مافه‌كانمان. ئه‌گه‌ر ئه‌مڕۆ پشتیوانی خیانه‌ت بكه‌ین، سبه‌ینێ خیانه‌ت ده‌بێته یاسا.
بانگه‌وازمان له هه‌موو كه‌سانێكه كه باوه‌ڕیان به گۆڕانكاری ڕاسته‌قینه هه‌یه:
• با یه‌كگرتوو بین
• با خۆراگربین
• با دوور بكه‌وینه‌وه له هه‌موو جۆره خیانه‌ت و هه‌ڵپه‌رستییه‌ك
• با خزمه‌تی ئه‌و گه‌له بكه‌ین كه باوه‌ڕی پێكردووین
كوردستان شایانی باشتره. خه‌ڵكی كوردستان شایانی ڕێزگرتن و خزمه‌تكردنی ڕاسته‌قینه‌یه.
ئێمه لێره ده‌مێنینه‌وه، له‌به‌ره‌ی گه‌ل، بۆ گه‌ل، له‌گه‌ڵ گه‌ل..
چاوه‌ڕی پشتیوانی هه‌مووتان بۆ لیستی ٢٦١ به‌ره‌گه‌ل
هه‌رشاد و سه‌ركه‌وتووبن
به‌ره‌ی گه‌له‌كه‌مان
١٩/١٠/٢٠٢٥
PM:08:18:19/10/2025
ئه‌م بابه‌ته 416
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت