پۆلیسی هەڵەبجە: دوو کەس بە تۆمەتی دزینی ماتۆڕسکیل دەستگیرکران
وێستگەنیوز_
پۆلیسی هەڵەبجە دەڵێت: دوو کەس بە تۆمەتی دزینی ماتۆڕسکیل دەستگیرکران و 12 ماتۆڕسکیلیان دزیوە.
بەڕێوەبەرایەتی پۆلیسی هەڵەبجە بڵاویکردەوە، دوای ئەوەی لەلایەن چەند هاووڵاتیەکەوە سکاڵا تۆمارکرا لەبەشی پۆلیسی نەهێشتنی تاوان سەبارەت بەوەی ماتۆڕسکیلەکانیان لە ناوشاری هەڵەبجە و دەورووبەری دزراوە، دەست بەجێ لەلایەن هێزەکانیانەوە دەستکرا بەلێکۆڵینەوە و بەدواداچوون.
ئاماژەی بەوەشکرد، لەرێگەی مەفرەزەکانیانەوە توانرا دوو تۆمەتبار بەناوەکانی (م. س. ح) تەمەن 16ساڵ و (ی . ل . ن ) تەمەن 21 ساڵ، کە دانیشتووی پارێزگای هەڵەبجەن بەبڕیاری دادوەر دەستگیربکرێن.
ئەوەشی خستەڕوو، تۆمەتبارەکان لەبەردەم دادوەری لێکۆڵینەوەدا دانیان بەتاوانەکەیاندا ناوە و بەپێی مادەی446ـی یاسایی سزادانی عیراقی راگیراون.
PM:12:37:13/10/2025
ئه‌م بابه‌ته 128
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت