لە نزیک بازگەی بانی مەقان تەقە لە شۆفێری ئۆتۆمبێلێك كرا و كوژرا

وێستگەنیوز-

دوانیوەڕۆی ئەمڕۆ لەنزیک بازگەی بانی مەقان لە سنووری قەزای چەمچەماڵ دەستڕێژی گولـلە لە شۆفێری ئۆتۆمبێلیک کرا و کوژرا.

بەپێی ئەو زانیارییانەی دەست وێستگەنیوز کەوتوون، دوانیوەڕۆی ئەمڕۆ سێشەممە 16ی ئەیلولی 2025، لەنزیک بازگەی بانی مەقان لە سنووری قەزای چەمچەماڵ لەلایەن چەند کەسێکەوە دەستڕێژی گولـلە لە شۆفێری ئۆتۆمبێلێک کرا و کوژرا.

هەربەپێی زانیارییەکان، رووداوەکە بەهۆی کێشەکی کۆنی کۆمەڵایەتییەوە بووە و هاوڵاتییە قوربانییەکە خەڵکی ناحیەی قەرەهەنجیرە و دەسبەجێ گیانی لەدەستداوە.

هێزە ئەمنییەکان چوونەتە شوێنی رووداوەکە و دەستییان بە لێکۆڵینەوە کردووە، بەڵام تاوەکو ئێستا هیچ زانیارییەکی فەرمییان لەبارەی رووداوەکە و دەستگیرکردنی تۆمەتبارەکان بڵاونەکردووەتەوە.

PM:04:20:16/09/2025

ئه‌م بابه‌ته 112 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت