ته‌قه‌ له‌ باره‌گای حزبی شیوعی له‌قه‌ره‌هەنجیر كرا

وێستگه‌نیوز- 
سه‌رچاوه‌یه‌ك له‌حزبی شیوعی كوردستان ئه‌مشه‌و ڕایگه‌یاند ته‌قه‌ له‌باره‌گه‌كه‌یان له‌ناحیه‌ی قه‌ره‌هەنجیری سه‌ر به‌شاری كه‌ركوك كرا. 

سه‌رچاوه‌كه‌ ئاماژه‌ی بۆ ئه‌وه‌كرد ته‌قه‌كه‌ره‌كه‌ له‌ڕێگه‌ی چه‌كی كڵاشینكۆفه‌وه‌ له‌ناو ئۆتۆمبێلێكه‌وه‌ ته‌قه‌ی له‌باره‌گای حزبی شیوعی كردووه‌ و زیانی گیانی به‌دواوه‌ نه‌بووه‌، جگه‌ له‌وه‌ی چه‌ند فیشه‌كێك به‌ر دوو ئۆتۆمێلی ناو باره‌گاكه‌ كه‌وتووه‌. 

سه‌رچاوه‌كه‌ ئاماژه‌ی بۆ ئه‌وه‌كردووه‌ كه‌ ته‌قه‌كه‌ره‌كه‌ به‌خۆی و ئۆتۆمبێله‌كه‌یه‌وه‌ به‌ئاراسته‌ی چه‌مچه‌ماڵ ڕۆیشتووه‌ و قسه‌ له‌گه‌ڵ هێزه‌ ئه‌منییه‌كانی ناوچه‌كه‌ كراوه‌.

PM:09:53:08/09/2025

ئه‌م بابه‌ته 888 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت