سه‌رۆكایه‌تیی شاره‌وانیی سلێمانی ئه‌و فه‌رمانبه‌رانه ئاگادارده‌كاته‌وه كه زەوییان بەسەر دابەشکراوه
وێستگه‌نیوز-
سه‌رۆكایه‌تیی شاره‌وانیی سلێمانی ئه‌و فه‌رمانبه‌رانه ئاگادارده‌كاته‌وه كه زەوییان بەسەر دابەشکراوه و رایده‌گه‌یه‌نێت هه‌ر فه‌رمانبه‌رێك مه‌رجه‌كانی تێدا نه‌بێت و ناوی هاتبێته‌وه، رووبه‌ڕووی لێپێچینه‌وه‌ی یاسایی ده‌بێته‌وه، ده‌شڵێت: "فه‌رمانبه‌ران راسته‌وخۆ سه‌ردانی لیژنه‌ی دابه‌شكردنی زه‌وی نه‌كه‌ن".
سه‌رۆكایه‌تیی شاره‌وانیی سلێمانی له ئاگادارییه‌كدا رایگه‌یاند كه "پاش ئه‌وه‌ی له لایه‌ن سه‌رۆكایه‌تیی شاره‌وانیی سلێمانی ده‌ستكرا به دابه‌شكردنی زه‌وی به‌شێوه‌ی تیروپشكی ئه‌لیكترۆنی له ڕێكه‌وتی 2025/8/28، له ئێستادا لیژنه‌كانی دابه‌شكردنی زه‌وی هه‌ڵده‌ستن به كاری وردبینیكردن بۆ فۆرمی داواكاری به زه‌وی فه‌رمانبه‌ران".
شاره‌وانیی سلێمانی داواكاره له سه‌رجه‌م فه‌رمانگه‌كان كه فه‌رمانبه‌رانیان ئاگاداربكه‌نه‌وه له‌م خاڵانه‌ی خواره‌وه:
1- ئه‌گه‌ر فه‌رمانبه‌ر پێشتر سوودمه‌ند بووه و فۆڕمی پڕكردۆته‌وه و زانیاری دروستی نه‌داوه.
٢2- ئه‌گه‌ر فه‌رمانبه‌ری گرێبه‌ست فۆڕمی پڕكردۆته‌وه و به‌هه‌ڵه له‌لایه‌ن به‌ڕێوه‌به‌رایه‌تییه‌كه‌ی به‌رزكراوه‌ته‌وه بۆ وه‌زاره‌ته‌كه‌ی خۆی.
3- ئه‌گه‌ر فه‌رمانبه‌ر خزمه‌تی فعلی 8ساڵ كه‌متر بێت و فۆڕمی پڕكردبێته‌وه به هه‌ڵه و به‌سه‌ر لیژنه‌ی به‌ڕێوه‌به‌رایه‌تییه‌كه‌یاندا تێپه‌ڕیبێت.
4- ئه‌گه‌ر هاتوو هه‌ردوو هاوسه‌ر فه‌رمانبه‌ربن و هه‌ردوولا فۆڕمیان پڕكردبێته‌وه.
راشیگه‌یاندووه كه "پێویسته به نوسراوی فه‌رمی فه‌رمانگه‌ی په‌یوه‌ندیدار ئاگادارمان بكاته‌وه به پێچه‌وانه‌وه به‌پێی ئه‌و به‌ڵێننامه‌یه‌ی كه پڕی كردۆته‌وه له كاتی پێشكه‌شكردنی فۆڕمی وه‌رگرتنی زه‌وی تووشی لێپێچینه‌وه‌ی یاسایی ده‌بن وه هه‌روه‌ها پێویسته فه‌رمانبه‌رانی فه‌رمانگه‌كان ڕاسته‌وخۆ سه‌ردانی سه‌رۆكایه‌تیی شاره‌وانیی سلێمانی نه‌كه‌ن بۆلای لیژنه‌ی دابه‌شكردنی زه‌وی به‌ڵكو هه‌ر داواكارییه‌ك یاخود پرسیارێك یاخود كێشه‌یه‌كیان هه‌بێت لیژنه‌كانی خۆیان ئاگادار بكه‌نه‌وه و ئه‌وانیش به‌رزی بكه‌نه‌وه بۆ سه‌رۆكایه‌تیمان، چونكه ده‌بێته هۆی لۆد و قه‌ره‌باڵغی له فه‌رمانگه‌كه‌مان".
PM:09:37:31/08/2025
ئه‌م بابه‌ته 1632
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت