وادەی تەواوکردن و کردنەوەی شەقامی 100 مەتری سلێمانی ئاشکرادەکرێت

وێستگەنیوز- سازگار ئەحمەد

شارەوانیی سلێمانی رایدەگەیەنێت، کارکردن لە پرۆژەی شەقامی 100 مەتری بەردەوامە، ئاماژە بەوەشدەکات، لەرووی بودجەوە هیچ کێشەیەک نییە بۆ تەواوکردنی پرۆژەکە.

ئەمڕۆ یەکشەممە 31ی ئابی 2025، زەردەشت رەفیق، بەرپرسی راگەیاندنی شارەوانیی سلێمانی بە وێستگەنیوزی راگەیاند، "کارکردن لە پرۆژەی شەقامی 100 مەتری بەردەوامە و تائێستا لە %75ی پرۆژەکە تەواو بووە".

لەبارەی کاتی تەواوبوونی پرۆژەکە بەرپرسی راگەیاندنی شارەوانیی سلێمانی ئاماژەی بەوەدا، "ئەگەر هیچ گرفتێک نەیەتە پێش ساڵی داهاتوو لە مانگی ئەیلولدا شەقامەکە بە رووی هاوڵاتییاندا بکرێتەوە".

ئەوەشی خستەڕوو، "لە رووی بودجە و کەشوهەواوە هیچ گرفتێک نییە لە بەردەم کارەکانی پرۆژەکە و زۆرباش کاری تێدا دەکرێت".

شەقامی 100 مەتری شاری سلێمانی یان شاڕێی بابان لە 11ی تەموزی 2020 بەردی بناغەی دانرا، بە ‌چە‌ند قۆناغێك جێبە‌جێ دە‌كرێت، گوژمەی پڕۆژەکە 400 ملیار دینارە.

AM:10:40:31/08/2025

ئه‌م بابه‌ته 732 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت