شاخه‌وان عه‌بدوڵا: شایسته‌ی جوتیاران ده‌درێت


وێستگه‌نیوز-
شاخه‌وان عه‌بدوڵا جێگری‌ دووه‌می‌ سه‌رۆكی‌ ئه‌نجومه‌نی‌ نوێنه‌رانی‌ عێراق رایگه‌یاند كه‌ شایسته‌ی سەرجەم جووتیارانی هەرێمی کوردستان و ئەو ناوچانەی دواکەوتوون، دەدرێت.


له‌ راگه‌یه‌ندراوێكدا شاخه‌وان عه‌بدوڵا جێگری‌ دووه‌می‌ سه‌رۆكی‌ ئه‌نجومه‌نی‌ نوێنه‌رانی‌ عێراق باس له‌وه‌ ده‌كات كه‌ "له‌دیدارێكدا له‌گه‌ڵ ئه‌سیر داود وه‌زیری بازرگانی تاووتوێی  شایسته‌ی جوتیارانمان كرد و به‌ڵێن درا شایسته‌ی سه‌رجه‌م جوتیاران بدرێت له‌ هه‌رێم و كه‌ركوك و مه‌خمورو ته‌واوی ئه‌و ناوچانه‌ی دواكه‌وتووه‌".

شاخه‌وان عه‌بدوڵا ده‌ڵێت: "بۆ وه‌جبه‌ی ئه‌مجاره‌ كه‌ 500 ملیار دینار ته‌رخان كراو له‌چه‌ند رۆژی داهاتوو ده‌خرێته‌ سه‌ر حسابی وه‌زاره‌تی بازرگانی سه‌ره‌تا شایسته‌ی ئه‌و جوتیارانه‌ ده‌درێت كه‌ بڕه‌كه‌ی كه‌مه‌ و ناتوانرێت زیاتر دوابخرێت".

راشیگەیاند کە "بڕیار درا ئه‌وانه‌ی تا 50 تۆنیان ته‌سلیم كردووه‌ له‌وه‌جبه‌ی ئه‌مجاره‌ هه‌مووی سه‌رف بكرێت دواتر بۆ ئه‌وانه‌ی له‌ 50 تۆن زیاتریان ته‌سلیم كردووه‌".


AM:12:01:31/08/2025


ئه‌م بابه‌ته 808 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت