راگەیەندراوی هاتووچۆی سلێمانی لەبارەی کەوتنە خوارەوەی هێلیکۆپتەرەکەی چیای ئەزمەڕ

وێستگەنیوز-

دوانیوەڕۆی ئەمڕۆ لە چیای ئەزمەڕ لە شاری سلێمانی ئۆتۆمبێلێک کەوتەخوارەوە لەکاتی بەهانەوەچوونی تیمی فڕۆکەوانی هاتووچۆی سلێمانی هێلیکۆپتەرەکەیان کەوتەوە خوارەوە.

بەڕێوەبەرایەتیی هاتووچۆی سلێمانی رایگەیاند، "ئەمڕۆ هەینی 29ی ئابی 2025، لەمیانەی هەوڵی رزگارکردنی شۆفێر و سەرنشینانی ئۆتۆمبێلێک کە بە ڕووداوێکی هەڵدێران کەوتبووە خوارەوە لە شاخی هەڕووتە، فڕۆکەیەکی فریاگوزاری لەو کاتەدا تووشی هەڵەیەکی تەکنیکی بووە و کەوتۆتە خوارەوە".

ئاماژە بەوەکراوە، "سەرجەم تیمەکانی لایەنی پەیوەندیدارەکانی بەڕێوەبەرایەتیی هاتووچۆی سلێمانی لە شوێنی رووداوەکەن و تەرمی ئەو هاوڵاتییەی تووشی رووداوەکە بوو گوستراوەتەوە بۆ پزیشکی دادوەری".

ئەوەشخراوەتەڕوو، "هەردوو فڕۆکەوانەکە گواستراونەتەوە بۆ نەخۆشخانەی شار کە یەکێک لە فڕۆکەوانەکان (عەمید حسێن فەیزوڵڵا)یە و باری تەندروستییان جێگیرە و لە قۆناغەکانی وەرگرتنی چارەسەری تەندروستیدان".

PM:04:17:29/08/2025

ئه‌م بابه‌ته 176 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت