سێیەمین رۆژی کۆنفرانسی هاوپەیمانیی سۆسیال دیموکراتی وڵاتانی عەرەبی لە سلێمانی بەردەوامە
وێستگەنیوز_
ئەمڕۆ هەینی 29ـی ئابی 2025، لە سێیەمین رۆژی بەڕێوەچوونی کۆنفرانسی هاوپەیمانیی سۆسیال دیموکراتی وڵاتانی عەرەبی لە سلێمانی، چەند پانێڵێکی تایبەت بەڕێوەدەچێت.
لە کۆنفرانسەکەدا پانێڵێکی تایبەت بە دۆزی فەڵەستین و پێشهات و کاریگەرییەکانی لەسەر ناوچەکە بەڕێوەدەچێت، لە پانێڵەکەدا محەمەد شتایە، سەرۆک وەزیرانی پێشووی فەڵەستین و فەلاح جبور، سکرتێری گشتیی پارتی سۆسیال دیموکراتی ئوردن، مستەفا برغوسی، سکرتێری گشتیی دەستپێشخەریی نیشتمانیی فەڵەستین، ئەحمەد مەجدەلانی، ئەمینداری گشتی بەرەی خەباتی جەماوەریی فەڵەستین بەشداردەبن.
یەکێکی دیکە لە پانێڵەکان لەسەر ئاسۆی نوێبوونەوەی سۆسیال دیموکراتە لە وڵاتانی عەرەبی، لە پانێڵەکەدا دۆخی سیاسی و ئەمنیی رۆژهەڵاتی ناوەڕاست لەم قۆناغەدا تاوتوێ دەکرێت، باس لە کاریگەرییەکانی لەسەر ناوچەکە دەکرێت، تیشک دەخرێتە سەر لێکەوتەکانی کە چۆن ئەو رووداوانە کاریگەرییان لەسەر گەشەکردنی ناوچەکە هەیە.
لەو پانێڵەدا، قاسم ئەعرەجی، راوێژکاری ئاسایشی نیشتمانیی عێراق، فەرید زهران، سەرۆکی هاوپەیمانیی سۆسیال دیموکراتی وڵاتانی عەرەبی، رێبوار تەها، پارێزگاری کەرکوک، خەلیل زاویە، سکرتێری گشتی کۆڕبەندی دیموکراتی بۆ کاروئازادییەکان، وەڵامی پرسیارەکان دەدەنەوە.
AM:10:52:29/08/2025
ئه‌م بابه‌ته 224
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت