وێستگەنیوز_
دەزگای ئاسایشی هەرێمی کوردستان رایگەیاند، بەپێی بەڵگەکانیان، هەریەک لە لاهوور شێخ جەنگی و ئەژی ئەمین پێکەوە پلانیان بۆ کوشتنی بافڵ تاڵەبانی داناوە.
لە راگەیەندراوەکەدا هاتووە، "ئەو کەسەی هەوڵی کوشتنی بافڵ تاڵەبانی بە نیشانشکێن داوە، ناوی رێبوار قودرەتە".
بەگوێرەی راگەیەندراوەکە، دەزگای ئاسایش "زنجیرە پلانێکی هاوبەش لەنێوان لاهور شێخ جەنگی و ئەژی ئەمین بۆ تێکدانی سلێمانی هەبووە. ئامانجی پلانەکەش دروستکردنی ئاژاوە و پشێوی و بە ئامانجگرتنی کەسایەتی ئەمنی، سیاسی و کارمەندی حکومی بووە".
ئاماژە بەوەشکراوە، دادگا فەرمانی دەستگیرکردنی بۆ ژمارەیەک ژەس دەرکردووە کە گومان دەکرێت دەستیان هەبووبێت لە سەرپەرشتی رێکخستنی هەوڵەکان یەکێک لە فەرمانەکان بۆ دەستگیرکردنی لاهوور شێخ جەنگی.
PM:03:20:27/08/2025