بەهۆی خۆڵبارینەوە هۆشداری دەدرێت بە شۆفێران
وێستگەنیوز-
بەڕێوەبەرایەتیی هاتووچۆی سلێمانی رێنمایی دەدات بە سەرجەم شۆفێران بەهۆی شەپۆلی خۆڵبارینەوە و کەمبوونەوەی رادەی بینین.
ئەمشەو شەممە 16ی ئابی 2025، بەڕێوەبەرایەتیی هاتووچۆی سلێمانی بڵاویکردەوە، بەهۆی شەپۆلی خۆڵبارین لە شارەکانی هەرێمی کوردستان و کەمبوونەوەی رادەی بینین، بە پێویستی دەزانین هۆشداری بدەین بە شۆفێران کە بەشێوەیەکی تەواو بەرپرسیارانە شۆفێری بکەن و پابەندی ئەم رێنماییانە بن لە پێناو سەلامەتی گیانیان، ئەوانیش:
- کەمکردنەوەی خێرایی.
- پاراستنی ماوەی سەلامەتی لە نێوان ئوتومبیلەکان.
- داگیرساندنی گڵۆپی تەم.
- بەکارهێنانی ماسک بۆ پاراستنی تەندروستیت.
ئەوەشخراوەتەڕوو، "سەبارەت بە ناوچە شاخاوییەکان و ڕێگاکانی دەرەوەی شار تا دەکرێت ئەو رێگایانە بەکارنەهێنرێت و گەشتەکان دوا بخرێن تا ئەو کاتەی ئەم شەپۆلی خۆڵبارینە کۆتایی پێدێت".
PM:10:29:16/08/2025
ئه‌م بابه‌ته 300
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت