خوێندنی باڵا رێنمایی و وردەکاری دامەزراندنی سێ یەکەمەکانی ناوچەکانی دەرەوەی هەرێمی کوردستانی بڵاوکردەوە
وێستگەنیوز_
پاش ئەوەی وەزارەتی خوێندنی باڵا و توێژینەوەی زانستیی هەرێمی کوردستان رایگەیاند، لە ئەمڕۆوە سێ یەکەمەکان و خاوەن بڕوانامە باڵاکانى ناوچەکانی دەرەوەى هەرێمی کوردستان، دەتوانن سەردانى تۆمارى زانکۆکان بکەن بۆ وردەکاریى لەبارەى پێشکەشکردنى فۆڕمی زانیارییەکانیان، کەمێک لەمەوبەر، رێنمایی و وردەکاری دامەزراندنەکە بڵاوکرایەوە.
فۆڕمی زانیارییەکان بۆ سێ یەکەمەکان و هەڵگرانی بڕوانامە باڵاکانى زانکۆکانى هەرێمە کە دانیشتوی پارێزگاکانى دەرەوەی ئیدارەی هەرێمن؛ بۆ ئەوەی لەسەر میلاکی حکومەتی فیدراڵی دابمەزرێنرێن.
دەقی وردەکاریی و رێنماییەکان:
1.دەرچووانی ساڵی 2003 هەتا ئەمڕۆ دەگرێتەوە.
2. دەرچووانی دەرەوەی عێراق لە زانکۆى پارێزگاکانی خۆیان بەپێی کارتی زانیاری داواکاری پێشکەش دەکەن.
3.پێشکەشکار فۆرمی داواکاری دامەزراندن و فۆرمی وەرگرتنی کۆد بە دەستی پڕ دەکاتەوە و واژۆی لەسەر دەکات.
4.تۆماری کۆلێژ و پەیمانگاکان فۆرمی ئۆنلاین بۆ دەرچووان پڕدەکەنەوە.
5.پێویستە دەرچوو ئەم بەڵگەنامانە لەگەڵ خۆی ببات لە کاتی پێشکەشکردن:
-کارتی نیشتمانی دەرچوو لەگەڵ کارتی نیشتمانی دایک و باوکی دەرچوو.
-کارتی زانیاری یان بەڵگەنامەی نیشتەجێبوونی مۆرکراو لە یەکێک لە پارێزگاکانی دەرەوەی هەرێمی کوردستان.
-هەر دەرچوویەک سەردانی تۆمارى کۆلێژ نەکات و فۆرمی دەستی پڕنەکاتەوە بێ بەش دەبێت لە وەرگرتنی کۆد و دامەزراندن.
-لە ئێستادا تەنها کۆد دروست دەکرێت و لە داهاتوودا دامەزراندنەکە لەسەر میلاکی حکومەتی فیدراڵی دەبێت بەپێی شوێنی نیشتەجێبوون.
6.ئەم پرۆسەیە تەنها دانەمەزراوەکان دەگرێتەوە.
7.ئەم پرۆسەیە تا رۆژی (2025/9/15) کاتژمێر 04:00ـى ئێوارە بەردەوام دەبێت.
8.ماوەی سکاڵا لە (2025/9/16) دەست پێ دەکات تا (2025/9/30).
PM:02:27:30/07/2025
ئه‌م بابه‌ته 312
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت