بەم زووانە لە پاریس گفتگوگۆکانی نێوان شەرع و مەزڵوم عەبدی دەستپێدەکاتەوە
وێستگەنیوز_
بەپێی ڕاگەیەنراوێکی هاوبەشی حکومەتەکانی، سوریا، فەرەنسا و ئەمریکا، بڕیارە بەم زووانە لە پاریس گەڕی گفتوگۆکانی مەزڵوم عەبدی و ئەحمەد شەرع دەستپێبکاتەوە.
ئەمڕۆ هەینی 25ـی تەمموزی 2025، لە راگەیەنراوێکی هاوبەشدا، حکومەتەکانی سووریا، فەڕەنسا وئەمریکا بڵاویانکردەوە، بەمزووانە لە پاریس گەڕی گفتوگۆ لەنێوان هێزەكانی سوریای دیموكرات (هەسەدە) و حكومەتی سووریا دەستپێدەكات بۆ جێبەجێكردنی تەواوەتی رێككەوتنی 10ـی ئازار.
رێككەوتنی 10ـی ئازار لە نێوان مەزڵوم عەبدی، فەرماندەی گشتی هەسەدە و ئەحمەد شەرع، سەرۆکی کاتی سووریا، رووداوێکی گرنگی سیاسییە لەسەر گۆڕەپانی ململانێیەکانی رۆژهەڵاتی ناوەڕاست و جیهان، بە بۆچوونی هەندێک لە وڵاتان، رێککەوتنەکە دانپیانانە بە 'بوونی نەتەوەی کورد'.
وەزارەتی دەرەوەی فەرەنسا دووپاتی کردووەتەوە، رێککەوتنی ئەمجارە گرنگی کاریگەری دەبێت بۆ یەکخستنی سووریا لەگەڵ ناوچەکانی باکووری ئەو وڵاتەدا و هێنانەدی ئاستی سەرتاسەری.
PM:11:35:25/07/2025
ئه‌م بابه‌ته 348
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت