كه‌ش و هه‌وای دوو رۆژ راگه‌یه‌ندرا
وێستگه‌نیوز-
به‌ڕێوه‌به‌رایه‌تی كه‌شناسی سه‌ر به وه‌زاره‌تی گواستنه‌وه‌ی هه‌رێم رایگه‌یاند كه ئه‌مڕۆ و سبه‌ینێ ئاسمان ساماڵ ده‌بێت و هه‌ندێك كات په‌ڵه‌هه‌وری له‌گه‌ڵ ده‌بێت، سبه‌ینێ پله‌كانی گه‌رما نزمده‌بنه‌وه.
به‌ڕێوه‌به‌رایه‌تی كه‌شناسی هه‌رێم له راگه‌یه‌ندراوێكدا ئاماژه‌ی به‌وه‌دا كه "ئه‌مڕۆ هه‌ینی 25ی ته‌مموزی 2025 ئاسمان ساماڵ ده‌بێت و هه‌ندێك كات په‌ڵه هه‌وری له‌گه‌ڵدا ده‌بێت".
كه‌شناسی ده‌ڵێت: "پله‌كانی گه‌رما به شێوه‌یه‌كی گستی نزیك ده‌بێته‌وه به‌راورد به تۆماركراوه‌كانی دوێنێ ته‌نها له هه‌ندێك شوێن كه‌مێك به‌رزتر ده‌بێته‌وه. خێرایی با 15 – 25 كیلۆمه‌تر ده‌بێت له كاتژمێرێكدا و ئاراسته‌ی با باكوورو باشوری رۆژئاوا ده‌بێت".
ئه‌وه‌شی خسته‌ڕوو كه "سبه‌ینێ شه‌ممه 26- 7- 2025 ئاسمان ساماڵ ده‌بێت هه‌ندێك كات په‌ڵه هه‌وری له‌گه‌ڵدا ده‌بێت.".
روونیشیكرده‌وه كه "پله‌كانی گه‌رما كه‌مێك نزمتر ده‌بێته‌وه به (1-2) پله به‌راوورد به تۆماركراوه‌كانی ئه‌مڕۆ. خێرایی با 15 - 25 كیلۆمه‌تر ده‌بێت. ئاراسته‌ی با باكووری رۆژئاوا ده‌بێت و مه‌ودای بینین 8-10 كیلۆمه‌تر ده‌بێت".
راشیگه‌یاند كه به‌رزترین پله‌كانی گه‌رمای پێشبینیكراو به پله‌ی سیلیزی به‌مشێوه‌یه ده‌بێت:
هه‌ولێر : 47 پله‌ی سیلیزی
سلێمانی : 46 پله‌ی سیلیزی
دهۆك : 46 پله‌ی سیلیزی
كه‌ركوك : 49 پله‌ی سیلیزی
زاخۆ : 47 پله‌ی سیلیزی
هه‌ڵه‌بجه : 45 پله‌ی سیلیزی
سۆران : 46 پله‌ی سیلیزی
حاجی ئۆمه‌ران : 32 پله‌ی سیلیزی
گه‌رمیان 50 پله‌ی سیلیزی
AM:10:49:25/07/2025
ئه‌م بابه‌ته 416
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت