دەزگای ئاسایشی هەرێم باندێکی ساختەکاری دەستگیرکرد
وێستگەنیوز-
بەرێوەبەرایەتی ئاسایشی پارێزگای سلێمانی باندێکی 11 کەسی دەستگیرکرد، کە ساختەکاری بەڵگەنامەیان ئەنجامداوە.
ئەمڕۆ پێنجشەممە 24ی تەموزی 2025، دەزگای ئاسایشی هەرێم رایگەیاند، "بەرێوەبەرایەتی ئاسایشی پارێزگای سلێمانی دوای بەدواداچوون و کۆکردنەوەی زانیاری ورد، بە فەرمانی دادوەری لێکۆڵینەوەی ئاسایش توانیان لە سلێمانی 11 تۆمەتبار دەستگیربکەن، کە لە ماوەی رابردوودا ساختەکارییان لەدروستکردنی بەڵگەنامە و پشتگیری فەرمانگەی حکومی (کفالە)کردووە".
ئاماژە بەوەکراوە، "لەئێستادا سەرجەم تۆمەتباران بەپێی مادەکانی (289-297) لە یاسای سزادانی عێراقی راگیراون و لێکۆڵینەوە لە دۆسیەکانیان بەردەوامە".
PM:09:19:24/07/2025
ئه‌م بابه‌ته 392
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت