شەش ساڵ بەسەر دەستبەکاربوونی کابینەی نۆیەم تێدەپەڕێت
وێستگەنیوز_
ئەمڕۆ پێنجشەممە 10ـی 7ـی 2025، شەش ساڵ بەسەر دەستبەکاربوونی کابینەی نۆیەم تێدەپەڕێت. رۆژی 10ـی تەمموزی 2019، لە پەرلەمانی کوردستان متمانە بە وەزیرەکانی کابینەی نۆیەمی حکومەتی هەرێم بەخشرا و دەستبەکاربوون.
سەرەڕای ئەوەی مانگی 10ـی ساڵی 2024، هەڵبژاردنی پەرلەمانی کوردستان ئەنجامدرا، بەڵام تاوەکو ئێستا کابینەی دەیەمی حکومەت پێکنەهێندراوە و ئەمڕۆ 10ـی تەمموزی 2025، تەمەنی کابینەی نۆیەم دەبێتە شەش ساڵ.
تاوەکو ئێستا چەند کۆبوونەوەیەک لەنێوان یەکێتیی نیشتمانیی کوردستان و پارتی دیموکراتی کوردستان سەبارەت بە پێکهێنانی کابینەی دەیەم، بەڕێوەچوون و بەرپرسانی هەردوولا، گفتوگۆکان بە ئەرێنی وەسف دەکەن، بەڵام هێشتا نەتوانراوە کابینەی نوێی حکومەت پێکبهێندرێت.
PM:12:22:10/07/2025
ئه‌م بابه‌ته 328
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت