قاسم ئەعرەجی: ئێمە جددین لە چارەسەرکردنی ناکۆکی و کێشە هەڵپەسێردراوەکانی نێوان هەرێم و بەغدا
وێستگەنیوز_
راوێژکاری ئاسایشی نیشتمانیی عێراق رایدەگەیەنێت، حکومەتی عێراق جدییە لە چارەسەرکردنی پرسی مووچەی مووچەخۆرانی هەرێمی کوردستان.
قاسم ئەعرەجی لە لێدوانێکدا بۆ رۆژنامەنووسان رایگەیاند، لەگەڵ سەرکردە و بەرپرسانی هەرێمی کوردستان تاوتوێی رێوشوێنە ئەرێنییەکانی عێراقیان سەبارەت بە دۆخی ئەمنی و سیاسیی ناوچەکە بە گشتی کردووە.
ئاماژەی بەوەشکردووە، "جەختمان کردەوە لەسەر دۆزینەوەی چارەسەر بۆ کێشەکانی نێوان هەرێم و بەغدا، بەپێی دەستوور و یاسا".
هەروەها دەڵێت: ئێمە جددین لە چارەسەرکردنی ناکۆکی و کێشە هەڵپەسێردراوەکانی نێوان هەرێمی کوردستان و بەغدا، لە پێش هەمووشیانەوە پرسی مووچەی فەرمانبەرانی هەرێمی کوردستان.
بە وتەی قاسم ئەعرەجی، لیژنەیەکی باڵای وەزاری پێکهێندراوە بۆ چارەسەرکردنی ئەم بابەتە لە زووترین کاتدا.
AM:11:32:10/07/2025
ئه‌م بابه‌ته 224
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت