کەشناسی: پلەکانی گەرمە دەگەنە سەروو 40 پلەی سیلیزی
وێستگەنیوز_
کەشناسیی هەرێمی کوردستان پێشبینی نوێی لەبارەی کەشوهەوای ئەمڕۆ و سبەی بڵاوکردەوە و دەڵێت، ئەمڕۆ لە چەند ناوچەیەکی سنووریی؛ باران دەبارێت و پلەکانی گەرما بەرز دەبنەوە.
کەشناسیی هەرێمی کوردستان رایگەیاندووە، ئەمڕۆ چوارشەممە، ئاسمان ساماڵ و پەڵەهەور دەبێت، لە ناوچە شاخاوییەکان نیمچەهەور دەبێت لەگەڵ ئەگەری نمەبارانێکی کەم لە کاتەکانی دوای نیوەرۆدا لە ناوچە شاخاوییە سنوورییەکانی باکوور و باکووری رۆژهەڵات.
ئاماژەی بەوەشکردووە، سبەی پێنجشەممە، ئاسمان ساماڵ و پەڵەهەور دەبێت و لە هەندێک ناوچەدا نیمچە هەور دەبێت.
ئەوەش هاتووە، ئەمڕۆ پلەکانی گەرما کەمێک بەرز دەبنەوە و سبەینێش بە هەمان شێوە 1 بۆ 2 پلەی دیکە بەرز دەبنەوە.
بەرزترین پلەکانی گەرمای تۆمارکراو بە پلەی سیلیزی بۆ سبەی بەم جۆرە دەبن:
هەولێر: 41 پلەی سیلیزی
سلێمانی: 39 پلەی سیلیزی
دهۆک : 41 پلەی سیلیزی
کەرکوک : 44 پلەی سیلیزی
زاخۆ : 42 پلەی سیلیزی
هەڵەبجە :40 پلەی سیلیزی
سۆران : 39 پلەی سیلیزی
حاجی ئۆمەران : 26 پلەی سیلیزی
گەرمیان : 45 پلەی سیلیزی
AM:11:47:11/06/2025
ئه‌م بابه‌ته 408
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت