یەکێک لە هاوسەرۆکانی دەم پارتی کۆچی دواییکرد

وێستگەنیوز-

مستەفا مەسعود تەکیک، هاوسەرۆکی پارتی یەکسانیی و دیموکراسیی گەلان (دەم پارتی) لە پارێزگای ئێلە‌هـ لە نەخۆشخانەی سەیامی ئەرسەکی ئەستەنبوڵ بە جەڵتەی دڵ کۆچی دواییکرد.

پارتی یەکسانی و دیموکراسیی گەلان "دەم پارتی" رایگەیاند، "درەنگانی شەوی رابردوو، بە جەڵتەی دڵ، مستەفا مەسعود تەکیک، هاوسەرۆکی دەم پارتی لە پارێزگای ئێلە‌هـ گیانی لەدەستدا".

ئاماژە بەوەکراوە، "تەکیک دوای تووشبوونی بە جەڵتەی دڵ، گەیەندراوەتە نەخۆشخانەی سیامی ئەرسەک لە ئیستانبوڵ، بەڵام سەرەڕای هەوڵی پزیشکەکان نەتوانراوە رزگار بکرێت".

باس لەوەشکراوە، "مستەفا مەسعود تەکیک، بە درێژایی تەمەنی، بۆ یەکسانی و ئازادی و دادپەروەری خەباتی کردووە، هاوەڵێکی زۆر بەنرخ بوو بۆ پارتەکەیی و پەرۆشیی بۆ گەلەکەی".

AM:08:31:11/05/2025

ئه‌م بابه‌ته 436 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت